زبدةالاشعار

ای کوفه یتوب عمروم پایانه خداحافظ #حیدریه_لاادری

زبانحال حضرت امیرالمومنین (ع) در وداع با کوفه
.
✍️ زبدة الاشعار ✍️
.
🆔: @nohe_torki
.

#سبک_یاران_چه_غریبانه #سبک_آی_گویده_کی_اولدوزلار #سبک_ای_شمع_حرمخانه#سبک_آتدان_یره_چون_دوشدی

.
شاعر؟؟؟
.
ای کوفه یتوب عمروم
پایانه خداحافظ
جان ویردی علی سنده
جانانه خداحافظ
.
.
بش ایل سنه ای کوفه
اولدوم نگران مهمان
بو بش ایلی قان اوتدوم
اولدون منیچون زندان
با اینکه خلیفه ایدیم
آغلاردی گوزوم هر آن
هر لحظه آخوب اشگیم
دامانه خداحافظ
.
.
ای کوفه قبول ایله
بو خواهشی گل مندن
زینب قیزیمین بیر گون
دوشسه گذری سندن
اینجیتمه اونی من تک
تار ائتمه گونون غمدن
سالما اونی قول باغلی
زندانه خداحافظ
.
.
ای کوفه نین ایتامی
بی یار و آدامسیزلار
ای یوللارا حسرتله
گوز یاشلی باخان قیزلار
ای یاری گئجه منله
صحبت ایدن اولدوزلار
هم صحبتوزی باتدی
القانه خداحافظ
.
.
ای کوفه نین ایتامی
من اشک فشان گیتدیم
قلبیم دولی دردیله
گوزلر دولی قان گیتدیم
گوز یاشوزه آند اولسون
سیزدن نگران گیتدیم
من سیز آخاجاق اشگوز
دامانه خداحافظ
.
.
محراب عبادتده
آخدی باشیمین قانی
بیر درده دچار اولدوم
اولماز اولا درمانی
اولسون قسم اللهه
دینجلدی علی جانی
چاتدی اورگیم دردی
درمانه خداحافظ
.
.
ای مسجد بی عالِم
ای صاحبی یوخ منبر
صد حیف اولا قطع اولدی
سنده دئیلن سوزلر
بیرده منی گورمزسن
قانه بویانوب حیدر
باتدی سسیم آند اولسون
قرآنه خداحافظ
.
.
ای ثابت و سیاره
ای مهر و مه تابان
ای اشکیم آخان چوللر
ای غصه لی نخلستان
ای محرم اسراریم
ای چاه جگر سوزان
یاندوز منیله نارِ
سوزانه خداحافظ
.
.
آتمیش اوچ ائیل عمر ائتدیم
ای چرخ ملال افزا
نه عمر، غم و محنت
هر لحظه سی مین ایذا
آتمیش اوچ ائیل عمرومده
شاد اولمادیم ای دنیا
چاتدی غمیله عمروم
پایانه خداحافظ
.
.
من تک هانی بیر رهبر
اولسون نمک افطاری
من تک هانی بیر سلطان
گل تک سولا رخساری
من تک هانی بیر مظلوم
حقی گیده تکراری
ظلم اولدی بله هانسی
سلطانه خداحافظ
.
.
من تک هانی بیر سلطان
مظلوملرون یاری
من تک هانی بیر رهبر
ایتام پرستاری
بیر کیمسیه اولمادی
بو رهبرون آزاری
آلدیم ولی من آزار
بو جانه خداحافظ
.
.
.
.
#حیدریه_شهادت
#ای_کوفه_یتوب_عمروم_پایانه_خداحافظ
#حیدریه_لاادری
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای سرّ عظیم کبریا یا زینب #زینبیه_جابری_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی