طلب شیعه از درگاه ربوبیت جهت ظهور امام زمان (عج)
.
زبدة الاشعار
.
: @nohe_torki
.
مرحوم #تائب_تبریزی
.
رحم قیل ای خدای عالمیان
کفره میدان اولوب زمین و زمان
اهل اسلامه یوخدی امن وامان
پایمال اولدی امت قرآن
.
امر ایله صاحب الزمان گلسون
فاطمه قانینی آلان گلسون
.
.
.
دوتوب اهل جفا کمین گاهی
یوخ مسلمانلارین هوا خواهی
هانی چرخ عدالتین ماهی
هامو گوزلور بقیّة اللهی
.
اذن ویر صاحب الزمان گلسون
فاطمه قانینی آلان گلسون
.
.
.
هانی عدلیله داد معیاری
هانی جُند خدای سرداری
هانی منکوب ایدن ستمکاری
هانی مظلومتر طرفداری
اذن ویر …
.
.
.
هانی تاریک شامی گوندوز ایدن
هانی دوزلیقلا آیرینی دوز ایدن
ایشلرین خوش عمل لره گوزایدن
صحبتینده بیان حق سوز ایدن
اذن ویر …
.
.
.
هانی دین گلستانینی سوواران
هانی ظلمات کفری نوری یاران
ریشۀ رِجسی ریشه دن قوپاران
آرادان هر تجاوزی آپاران
اذن ویر …
.
.
.
هانی اسلام اونا ذخیره دِیَن
عادلانه لباس عدل گِیَن
بدعتی دین ایوینده محو ایلیَن
سنّت و واجباتی تازه لیَن
اذن ویر …
.
.
.
هانی دیدینده حق گورن گلسون
باطلی حقّه چوندرن گلسون
باغ دینه صفا ویرن گلسون
کفری اسلامه دوندرن گلسون
اذن ویر …
.
.
.
هانی دنیا و دین جهانبانی
چکه زنجیره جهل دنیانی
ایلیه زنده حدّ قرآنی
ایده آزاد اهل ایمانی
اذن ویر …
.
.
.
هانی اعلان ایدن او قدرتینی
سندیران اهل کبر شوکتینی
شرک و کفرین یخان عمارتینی
آرتوران اهل دین عزّتینی
اذن ویر …
.
.
.
هانی عدلیله داد میزانی
یخان اهل جفا و طغیانی
محو ایدن قوم فسق و عصیانی
قورتاران غمدن اهل قرآنی
اذن ویر …
.
.
هانی کفرین مقابلینده دوران
رشتۀ نخل اختلافی قیران
ریشه دن سرکشی هوانی ووران
عدل دیوانینی جهاندا قوران
اذن ویر …
.
.
.
هانی کُوکدن یالانی قطع ایلین
رشتۀ افترانی قطع ایلین
بانگ اهل ریانی قطع ایلین
رگ گردنکشانی قطع ایلین
اذن ویر …
.
.
.
هانی کذب و دروغگونی یخان
هانی هر نانجیب و دونی یخان
هانی یولدان چخان دورونی یخان
کینه توز و ستیزه جونی یخان
اذن ویر …
.
.
.
هانی احبابینه ویرن عزّت
هانی اعداسینه ویرن ذلّت
خلقی تقوایه ایلین دعوت
بندۂ حق و روح حُرّیت
اذن ویر …
.
.
.
هانی سرّ خدا و باب الله
هانی آئینۀ جمال اِلاه
زمرۀ اولیایه خاطر خواه
خسرو پاک و سرور آگاه
اذن ویر …
.
.
.
هانی مولای عالی وادنا
سبب اتصال ارض وسما
صاحب یوم فتح اولان مولا
پر اوزینده آچان لوای هُدا
اذن ویر …
.
.
.
هانی شایستۀ شئون علا
هانی معنای صلح و لفظ صفا
انبیانین قانین آلان مولا
خونستان قتیل کرب و بلا
اذن ویر …
.
.
.
هانی دردین دله سالان مولا
امّتین فکرینه قالان مولا
سکّه اوز آدینه وران مولا
جدّینین قانینی آلان مولا
اذن ویر …
.
.
.
خصم هموار ایدوب جفا یولونی
باغلیوب ظلمیله وفا یولونی
رحمت و صدقیله صفا یولونی
آچماقا باغ کربلا یولونی
اذن ویر …
.
.
.
گونی گوندن بیزه یامان اولدی
باغ امیدیمیز خزان اولدی
داخی دل صبریمیز تالان اولدی
شیعه لر یاندی باغریقان اولدی
اذن ویر …
.
.
.
#مهدیه
#رحم_قیل_ای_خدای_عالمیان
#ترکی
.
#زبدةالاشعار
.
: @nohe_torki
نظر دهید