زبدةالاشعار

درگهونده گدایم رضاجان #رضویه_آذرین_خلخال

مدح حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
#سبک_ای_قلم#سبک_مطهری#سبک_کاروان_رفته#سبک_جامه_عشقیوی
.
ودود آذرین خلخال
.
درگهونده گدایم رضاجان
سائلم بی نوایم رضاجان
سن هامی خلقه ایتدون کرامت
منده بیر آشنایم رضاجان
.
ای رضا ای رضا ای رضاجان
روحیوه شیعه لر جانی قربان
.
.
.
.
ای پناه دل بی پناهان
ای ولی نعمت ملک ایران
دعوت ایله گلیم پای بوسه
بلکه دردیم تاپا اوردا درمان
.
ای رضا ای رضا …
.
.
.
.
باخ بیزه ای خراسان امیری
فضلوون یوخدی والله نظیری
بیرسنه تیکمیشم گوزرضاجان
اولموشام منده عشقون اسیری
.
ای رضا ای رضا …
.
.
.
.
سن گل گلشن مصطفاسن
هشتمین کوکب اولیاسن
سنله معنا تاپوپدی کرامت
چاره مردم بی نواسن
.
ای رضا ای رضا …
.
.
.
.
قویما بوقلبی یارسین جهالت
ایتمه بو غم اسیرین خجالت
حالیمه رحمتون شامل ایله
سنکی آهونی ایتدون ضمانت
.
ای رضا ای رضا …
.
.
.
.
میزبانسان آقا خوب و زشته
هجروه دیل اولوب رشته رشته
ویرمرم آند اولا ذوالجلاله
صحنووی صحن باغ بهشته
.
ای رضا ای رضا …
.
.
.
.
ای دوتان عرش وفرشی صفاسی
مشهدین وار بهشتی هواسی
دعوت ایله گلیم پای بوسه
سنده دی هامی دردین دواسی
.
ای رضا ای رضا …
.
.
.
.
سینمی درد و محنت آلوبدی
نوکرون اوزگه حاله قالوبدی
صورتین ایسلادوب گوزیاشیلان
یاده باب الجوادی سالوبدی
.
ای رضا ای رضا …
.
.
.
.
دعوت ایله منی پای بوسه
تا گله (آذرین)سمت طوسه
کربلانین جوازین قیل امضا
تا ویرام مرقد شاهه بوسه
.
ای رضا ای رضا …
.
.
.
#رضویه_مدح
#درگهونده_گدایم_رضاجان
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  السلام ای قولی باغلی #کاظمیه_زلفی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی