رزمگاهه سن شاهد اول خدا بو جوان مه منظریم گئدر #اکبریه_عاصی_تبریزی

وداع جناب علی اکبر (ع)
زبانحال امام
.
.
#سبک_ساخلا_ناقه_می_کاروانیدن … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … #سبک_نقش_من_چرا_نقش_ماتمه …
.
.
مرحوم عاصی تبریزی
.
.
رزمگاهه سن شاهد اول خدا
بو جوان مه منظریم گئدر
خَلق و خُلق و منطقده مصطفا
سهم صولتاً حیدریم گئدر
ای خدا علی اکبریم گئدر
.
.
باش آچوب آناسی سزیلدیری
شوریله آلوب ساچلارین اله
یوز دوتوب سنه عرض ائدور خدا
راضیم، قضای، محوّله
لیک دورموشام منتظر بالام
رزمگاهدن بیرده بیر گَله
وار اورکده گیزلین سوزم اودور
صورته سرشگ تریم گئدر
.
.
ائیلینده من بی کسی وداع
آلمادیم بالامون اورک سوزون
قورخورام گئدوب بیرده گلمیه
خیمیه خدا گورمیم یوزون
بیرمنیم امیدیمدی بیکسم
نوجوانیمی حفظ ائیله اؤزون
ئولسه اکبریم ائتمیشم یقین
غارته منیم معجریم گئدر
.
.
باجیسی آچوبدور دعایه ال
نی کیمی سیزیلدور چکور فغان
گه منه باخور گه آناسنا
متّصل ائدور گوز یاشین روان
گه اووشدورور قلبنی یانور
سسلوری علی گئتمه بیر دایان
گه او ماه رو آردیجه دوشوب
صف به صف نچه اختریم گئدر
.
.
بیر جوان که عیناً شبیهدور
خلقتاً حبیبون پیمبره
بالخصوص محبوبدور اؤزی
تک به تک بو اولاد حیدره
گور منیم ایشیم آخرى یتوب
ای خدا بو قومیله نه یره
عاقبت بو قومون قتالینه
بو جوان گل پیکریم گئدر
.
.
بیله بیر اوغولدان گواهسن
جان و دلدن ال چکمیشم اؤزوم
مین بئله اوغول ایلسم فدا
کوی عشقده منده وار دوزوم
قطعه قطعه گر دوغراسا عدو
پیکرین یارالی گوره گوزوم
مقصد و مرامیم گلر اله
قلبده اولان غملریم گئدر
.
.
آق محاسنیم اولماسا اگر
بو جوانمون قانیله خضاب
عشقیمون کمالینده نقص اولور
اولمارام اوز عهدیمده کامیاب
یوخ سویوم بو قربانه گوسترم
سوزش عطش ائیلیوب کباب
بومنای عشق و محبّته
تشنه لب علی اکبریم گئدر
.
.
بسکه ظلمده کئچدی حدّیدن
بو سپاه کین پرور و جهول
منکر اولدورلار حقّه ایتدیلر
مرتضی کیمی حقّیمی نکول
هر قدر گتوردیم بو قومه من
حجّت و دلیل ائتمدی قبول
ائتماقا هدایت بو فرقه نی
گوئیا که پیغمبریم گئدر
.
.
بیر اوغول گتوردی منایه تا
اوز الیله قربان کَسَه خلیل
اولمادون رضا قلبی غملنه
بیر عوض اونا گتدی جبرئیل
سهلدور اؤزوم راضیم گئدوب
اکبریم اولا تشنه لب قتیل
وار رضاسی دلدن بومطلبه
اکبر وفا پروریم گئدر
.
.
ائیلیوب نه تک اوغلوم اکبری
عشق باده سی بیله بی قرار
ایچدیلر او صهبای عشقدن
بیر جماعتیم اولدی کامکار
منتظردی دلدن او بادیه
اصغریمده حتّی بولور نه وار
پیشواز تیر سه شعبیه
الده نقد جان اصغریم گئدر
.
.
یا حسین سنی اوغلون اکبرین
جانی عاصیه ائیله بیر نظر
قویما ارزل النّاس الینده چوخ
توکسون عارضه گوزدن اشک تر
من سنی کرم کانی بولموشم
گر توجّهون اولسا مختصر
محو اولور گوئولدن ملال و غم
قلبده اولان اخگریم گئدر
.
.
#اکبریه #عاصی_تبریزی #اکبریه_شهادت #ترکی #زبدةالاشعار