زبانحال حضرت زینب(س) در وداع امام حسین (ع)
.
.
#سبک_احوالیمیز_یاماندی … 10 سبک
مشابه
.
.
محسن محمدی هشترودی ( ناطقی )
.
.
یوخ زینبین بو چولده سن سیز پناهی قارداش
ترک ایلمه اماندور بو خیمه گاهی قارداش
.
.
زینب ایدوب حسین جان بو مطلبی بهانه
گوز یاشلارا نظر قیل اولموش ئوزه روانه
اطفال بی پناهی تاپشیرما کوفیانه
رحم ایلمز کسوبدور اعدا رفاهی قارداش
.
.
سن که بیله گیدورسن آغلور گوزوم حسین جان
بو خیردا قیزلاروندا اولماز دوزوم حسین جان
یالقوز قالان وجوده قربان ئوزوم حسین جان
دشمن دیور حسینون یوخدور سپاهی قارداش
.
.
ویرسن اجازه اولسون زینب سنه علمدار
اطرافیده دایانسون لشگر یرینده قیزلار
بولسونله وار سپاهون بو اشقیای خونخوار
میدانیده بو خدمت اولسون شفاهی قارداش
.
.
اولسون قسم عزیزیم عباس نامداره
زینب اگر آپارسا ال تیغ آبداره
اولسا اجازه سندن ئوز قویسا کارزه
دار البواره یولّار قوم تباهی قارداش (1)
.
.
ای معدن کرامت یوخدور دوتان الیمدن
گر ئولمسم ئولونجه دوشمز آدون دلیمدن
گولمز یوزوم جهاندا چیخدی الیم ائلیمدن
زینب داخی گورنمز بس عزّ و جاهی قارداش
.
.
بو رسمدور گیدنده شاهلار حسین شکاره
اطرافینی مسلّم یکسر آلار سواره
افسوس تک گیدورسن قارداش بو کارزاره
باجون چکر دمادم آه اوستن آهی قارداش
.
.
درد و غمی چوخاتدی هر لحظه کشف رازون
مجذوب ایدوب شهادت یوخدور داخی نیازون
لیکن آنام وصیّت ایلوب ئوپم بوغازون
فرصتدی محضرونده یوخدور مناهی قارداش
.
.
اولماز که لشگر ایچره دونانه یالواریم من
بیر آز اگیل اشاقه قول بوینووا سالیم من
سندن آتام نشانی عقبایه فیض آلیم من
پاک ایلیوم دوتوبدور قان سجده گاهی قارداش
.
.
بو چولده یوخ امیدیم غیر از بو گوز یاشیمدان
سندن صورا ویرالّار قمچی منیم باشیمدان
علّت بودور خبر یوخ سرکرده قارداشیمدان
سندن صورا تالالّا بو پایگاهی قارداش
.
.
آیریلدی زینبیندن شه وعده گاهه چاتدی
آمالینه یتیشدی دین پرچمین اوجاتدی
ای «ناطقی» مصیبت زهرا قیزین قوجاتدی
ایلوب دیدی احاطه قان قتلگاهی قارداش
.
.
(1) دارالبوار. [ رُل ْب َ ] ( ع اِ مرکب ) منظور دوزخ است.
.
.
#وداع #محمدی_ناطق #حسینیه #حسینیه_وداع #ترکی #زبدةالاشعار
نظر دهید