رشته دیر جسمیم کی دُور چرخ وئرمیش تاب اؤنا #غزل_فضولی

#غزل #فضولی
.
.
.
ملا محمد فضولی
.
رشته دیر جسمیم کی دُور چرخ وئرمیش تاب اؤنا
مردم چشمیم دوزر هر دم دُرِ سیراب اؤنا
.
سایه ی زُلفون شبستانیندا دیر شمع رُخون
نئجه یئتسین قدر ایله خورشیدِ عالمتاب اؤنا ؟
.
درد دُردیدیر صفابخش حریفِ بزم عشق
ساقیا چوُخ ائتمه تکلیفِ شراب ناب اؤنا
.
دُردِ مِی تک غرقه ی خونابه گؤردوم کؤنلومو
گؤر نه گلدی باشینا، نئتدی شراب ناب اؤنا ؟
.
قامت خم بیرله بیر اهل کرامتدیر قاشین
داش اوُلوبدور گوئیا باش اَگمه میش محراب اؤنا
.
چشمینی اهل نظر قصدینه تعیین ائیله ین
تیر غمزه ندن مهیا ائیله میش اسباب اؤنا
.
ترلمیش رخسار ایله خوبلار آچارلار کؤنلومو
گؤر نه گُلشن دیر کی، آتشدن وئریرلر آب اؤنا
.
سلک اهل حالا چکمیش زاهدی اشک ریا
مس گیبی کیم سیم قدرین بیلدیریر سیماب اؤنا
.
ای فضولی قالمامیش غوغای مجنوندان اثر
غالباً افسانه ی لیلی، گتیرمیش خواب اؤنا
.
.
#فضولی_ترکی
#غزل_ترکی
#ملامحمدفضولی #ترکی
#رشته_دیر_جسمیم_کی_دور_چرخ_وئرمیش_تاب_اؤنا
.
.