در مدح پیامبر صلی الله علیه و آله و سلم
#گریز به حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
واصف مرندی
.
رضای حی بخشنده رَسول اللهین عشقینده
مسیحالر اولارززنده رَسول اللهین عشقینده
.
.
همان او لیل ظلمانی قویوب حیرتده دنیانی
پوزوب اجلال شیطانی داغیتدی طاق کسرانی
اولوب بتخانه لر فانی قوروتدی قعر دریانی
گلستان ائتدی نیرانی امور حیّ سبحانی
اولوب رحمتدن آکنده رسول اللهین عشقینده
.
.
قداست تاپدی آثاری نمایان ائتدی اسراری
آییردی نوریلن ناری طبیعتده گولی خاری
یر اوسته چشمه لر جاری نچه ایل اولدی تکراری
بولوندی کعبه دیواری علینین گولدی رخساری
درخشان اولدی آینده رسول اللهین عشقینده
.
.
قیزی زهرا گل طاها جلال و جلوه ی بطحا
مقامی اشرف زنها شرفده یکه و تنها
کمالاً عصمت کبرا دل آرا و ملک سیما
شفاعت حکمونه دارا کی بی همتادی بی همتا
کَاَنَّه گولدی گلشنده رسول اللهین عشقینده
.
.
نجه زهرا کی اطهردی کمالاتینده برتردی
شفیع یوم محشردی که دنیایه برابردی
کثیرالفضل کوثردی گل باغ پیمبردی
وجودین گول تک ایلردی کی گوللردن معطردی
ویراردی گول کیمین خنده رسول اللهین عشقینده
.
.
نبوّت یادگاریدی ولایت اقتداریدی
متین و باوقاریدی حسین آموزگاریدی
علینین جان نثاریدی الینده ذوالفقازیدی
گل و باغ و بهاریدی بوتون دار و نداریدی
مقرّبدی خداونده رسول اللهین عشقینده
.
.
پیمبردن صورا اما تغیر تاپدی بیر دنیا
بویوردی مظهر طاها نقدری قورسالار شورا
نقدری سالسالارغوعا نه سوزلر ائتسه لر امضا
هله کی ئولمویوب زهرا علی نی قویمارام تنها
شهادت عشقی وار منده رسول اللهین عسقینده
.
.
او قدری عاشق دینم مصیبتده خدابینم
سینیبدور قلبی آئینم گینه ده دلده یوخ کینم
به کوی ناله می شینم شمارا آه و نفرینم
بودور مقصود دیرینم سپردور حیدره سینم
نقدری واردی جان تنده رسول اللهین عشقینده
.
.
اورگ درده ملبَّسدی مدینم قاره محبسدی
ستمدن عالمیم اسدی نفاق امیدیمی کسدی
علی دوزدور کی بی کسدی سکوتی عالمه سسدی
امامیدی مقدّسدی ولی عشقی منه بسدی
باش اگمز ظلم و ترفنده رسول اللهین عشقینده
.
.
.
#17ربیع
#رضای_حی_بخشنده_رسول_اللهین_عشقینده
#واصف_مرندی
#ترکی
.
✍️ #زبدةالاشعار✍️
.
🆔: @nohe_torki
نظر دهید