رقیه صبر ایله بیر بیله آه و زار اولماز #حضرت_رقیه_فریدی

زبانحال جناب حضرت زینب (س)
به حضرت رقیه (س)
..
..
..
..
حاج علی اصغر فریدی
..
..
..
..
رقیه صبر ایله بیر بیله آه و زار اولماز
سن آغلیاندا قزیم منده اختیار اولماز
..
بو نوعیله کی توکور گوزلرون یوزه قان یاش
یقین بو شدتیله بارش بهار اولماز
..
قوجاقلیوب دیزوی چکمه آهی آه اوستن
نجه بو حالی گورن سنده اشکبار اولماز
..
چکوب کناره اوزین قلبیمی کباب ایتمه
منیم کیمی سنه بیر یار و غمگسار اولماز
..
دیمه اسیرم اولوب گوشۀ خرابه یریم
اسیر اولان بالا ویرانه دن کنار اولماز
..
چوخ حسرتیله باخوب آلما صبریمی الدن
سوزین ندوردی بیله پر اسف نظار اولماز
..
سنه باخاندا گلور درده خرداجا بالالار
صغیر اوشاقدا یقین طاقت کبار اولماز
..
سن آغلیاندا بیزه اشقیا شمادت ایدور
اولار کی حقی دانوب اوندا شرم و عار اولماز
..
بو جور و ظلمه اگر دوزمه ساخ بو شامده بیز
یزید کفری بو عالمده آشکار اولماز
..
بنات عصمته کفار خارجی دئمسه
جهاندا آل على شانی انتشار اولماز
..
هوای سلطنت ایلیوب یزیدی چوخ مغرور
دیمور کی سلطنت و جاهه اعتبار اولماز
..
خرابه محنتی یتمز فریدی اتمامه
گر ایتمسن سوزوی سنده اختصار اولماز
..
..
..
..
#حضرت_رقیه #فریدی #حضرت_رقیه_شهادت #ترکی #زبدةالاشعار