دلخوشام بذل اولا تا مقدم جانانه باشیم #مهدیه_نادربابایی

عشقین آواره سیم
.
.
حاج نادر بابایی
.
.
دلخوشام بَذل اولا تا مَقدَم جانانه باشیم
نوشیدور دوشسَه اگر عشقیده طوفانه باشیم
.
من سنون مستووَم ای یار نَه مِی مَدهوشی
بیرده سَنسیز گَله حاشا سَر و سامانه باشیم
.
آدیمی یازسون اگر جَرگۀ عُشّاقیده، بیل
ناز ائدر اوندا یقین روضۀ رضوانه باشیم
.
گر قبول ایلیه سن یاکه قاپوننان قوواسان
دوشوب آردونجا گَلر هَریِره هَریانه باشیم
.
عشقین آواره سیم داغداش اولوبدور وَطنیم
آشیانه اولاجاق قُمری و طَرلانه باشیم
.
بیر باخیش باخ منه تا باج آلوم اِسکندردن
گورَه که ناز ائدوری چشمۀ حَیوانه باشیم
.
هَرقاش آتدوقجامنه رِشتۀ عمریم بیچیلور
مشتریدور گِنه اول خَنجر بُرّانه باشیم
.
باشیمون قیمتی دنیایه بَرابَردی، اگر
مَقدمونده گوزلیم فَرض اولا قُربانه باشیم
.
اِیلَه مجنون کِیمی سَرگشتۀ عشقم(نادر)
سَهل سانما چیخا گَر ،داره غَریبانه باشیم
.
.
#نادربابایی #ترکی #غزل #مهدیه #زبدةالاشعار