رمضانیه
.
✍️ #زبدةالاشعار ✍️
.
🆔: @nohe_torki
.
رحیم شایان ارومیه
.
رمضان دور آچیلیب عرش معلی قاپیسی
ای بشر باغلی دگول رحمت یکتا قاپیسی
.
.
سعی ائله پای الاسان اغلب ساعاتیندن
توشه اخذ ایلیه سن صوم و عباداتیندن
ملکوت حظ اءلییر سوز و مناجاتیندن
اچیلیب عاصی لره توبه .تولا قاپیسی
.
.
بو اوروج توتماقیوا خالق ئوزی مشتری دی
سوزومون شاهدی ده مصحف حق سوزلری دی
بو آیین بیر گیجه سی هشتاد ایله برتری دی
اچیلیب بنده لره رحمت مولا قاپیسی
.
.
وار احادیث ده حسرت چکوری اهل قبور
قبل از آنکه چالینا صور اولا یوم نشور
تاپالار بیر یول اوروجلوقدا بو دنیاده حضور
آچیلا اونلارادا جنت الاعلا قاپیسی
.
.
بو بیر آیدا یازیری حضرت حق نامه میزی
توکوری حکمتیله قدریده برنامه میزی
کاش گیاق اگنیمیزه عز و شرف جامه میزی
تا گوراق دایم آچیخدی حق دانا قاپیسی
.
.
کاش الطاف خدا شامل اولا حالیمیزه
مهر تایید وورا حق اوزی اعمالیمیزه
مصلحت بیلسه تحقق ویره آمالیمیزه
شکر ایداخ باغلی دگول عبده تمنا قاپیسی
.
.
#رمضانیه #شایان_ارومیه
#رمضان_دور_آچیلیب_عرش_معلی_قاپیسی
#ترکی
.
✍️ #زبدةالاشعار ✍️
.
🆔: @nohe_torki
نظر دهید