در مدح جناب حضرت على (ع)
.
.
مرحوم قمری
.
.
اى جلوۀ جلال مرایاسى یاعلى
انوار ذوالجلال مجلاسى یاعلى
.
نور وجودى بدو عوالمده ما خلق
عالم وجود بزم تولاسى یا على
.
کنز العلوم سر خداوند ذوالجلال
دین ملکنون زمانه ده داراسى یا على
.
ینبوع فضل درج کرامات معجزات
اولموش صفاى قلب مصفّاسى یا على
.
ظاهرده ختم و باطن معناده ماسبق
هر ذى حیاتون اول و عقباسى یا على
.
سن اصل سن طفیلدى مجموع کائنات
سندندى کل عالمون انشاسى یا على
.
سندن صورا جهاندا نه وار بیر وجودسن
هر موجدون سنونلدى احیاسى یا على
.
آدون یازیلماسیدى دایانمازدى بیستون
طاق سمانون عرش معلّاسى یا على
.
پیرایه اولدى گوگلره اسم مبارکون
سندندى نور شمس هویداسى یا على
.
یتمز جلال مجلسیوون ارتفاعینه
چرخون فراز اوج ثریاسى یا على
.
کلاً حقیقت اهلینه اللّه کلامینون
سنسن تمام باطن و معناسى یا على
.
قرآن تمام وصف کمالوندى سربسر
والشّمس والضّحى ایله طاهاسى یا على
.
کیمدور گلوبدی شأنینه یاسین و هل اتى
وار اوچ یوز آیه نون کیمه ایماسى یا على
.
سن اولماسیدون اولمازدى دارکون فکان
نه جنّ و انسون آدم و حوّاسى یا على
.
سندن تاپوب شرافتى عالمده انبیا
سنسن جلال و مرتبه دریاسى یا على
.
سندن یتشدى معرض طوفاندا نوح ایچون
فلک النجات مجرى و مرساسى یا على
.
سنسن خلیله نارى قیلان رشک گلستان
بیر معجزوندى هر گل حمراسى یا على
.
سندن بساط تخت سلیمان اولوب عطا
سندندى تاجینون در الماسى یا على
.
سندن تاپوبدى مصریده یوسف جلال و جاه
لطفوندن اولدى رتبۀ والاسى یا على
.
موسى نى کوه طوریده مدهوش ایلین
بیر ذره نوریوندى تجلاسى یا على
.
هرکیمسه گورسه روضۀ جنّات شأنیوى
نیلر قصور و حورى تماشاسى یا على
.
نسبت ویروم نه نوعیله موسایه من سنى
بیر معجزون دگول ید بیضاسى یا على
.
عیسا سنون آدونلا تاپوب داریدن نجات
اولدى فلکده منزل و مأواسى یا على
.
سن روح سن مسیحدى بیر جسم بى ثبات
اى معجزات کل مسیحاسى یا على
.
گاهى سلام ایدر سنه مشرقدن آفتاب
گه معجزوندى مرده لر احیاسى یا على
.
گاهى بساط ابریله معراج ایلدون
قیلدون گهى تقیه مداراسى یا على
.
سندن سورا پیغمبریلن کیم اولوب رفیق
عرش اوسته فرش اولوندى مصلاسى یا على
.
صاحب لواى روز جزا حوض کوثرون
سنسن قیامتون گونى سقاسى یا على
.
مرّه بن قیسى ایتدون ایکى پاره قبریدن
یوخ بیر کسون بو امریده حاشاسى یا على
.
وار بیر موحّدون مگر اى شاه اولیا
سندن علاوه دینیله دنیاسى یا على
.
اللّه ذوالجلال دیللر سنه غلاة
چوخدور بو لفظ کفر تبراسى یا على
.
خالق ولى سى شاه رسل جانشینیسن
باغ ولایتون چمن آراسى یا على
.
سندن رواج تاپدى جناب پیمبرون
آفاقیده شریعت غراسى یا على
.
بیر نوریدور محمّد ئیلن نور طنیتون
اى قلب مؤمنون فرح افزاسى یا على
.
سندن الینده اولماسا هر کیمسه نون برات
اولماز بهشت عدنده سوداسى یا على
.
مشتاق بزم وصلون اولان جنت ایستمز
جنت نجفدى گلشنى صحراسى یا على
.
فخر ایلسه ملکلره هرگز دگل بعید
وار شیعه نون سنون کیمى مولاسى یا على
.
دار فناده قمرى گلزار وصفیوون
و اللّهى یوخدى اوزگه تمناسى یا على
.
آخر نفسده جان ویره کوینده دفن اولا
خاک درونده منزل و مأواسى یا على
.
.
#یاعلی #حیدریه #قمری #حیدریه_مدح #ترکی #زبدةالاشعار
نظر دهید