زبدةالاشعار

رنگ غم و اندوهه بویاندوخ ایکی میزده #فاطمیه_حضرتی_هاتف

زبانحال حضرت زهرا (س) به امام حسن (ع) در کوچه
.
✍️زبدة الاشعار✍️
.
🆔: @nohe_torki
.
سعید حضرتی آذرشهری (هاتف)
.
رنگ غم و اندوهه بویاندوخ ایکی میزده
بیر سیلیه بو کوچه ده یاندوخ ایکی میزده
.
.
ظالم کی آدام سیز بیزی گوردی یولی کسدی
قاخدی قولی رخساریمه باد ستم اسدی
عیب ائیلمز اوغلوم دور گئداخ آغلاما بسدی
قویما بابا بیلسین کی تالاندوخ ایکی میزده
.
.
با اینکه بیزیم حقیمیزی چوخلاری داندی
الله اوزی شاهددی،اوزی حقی آلاندی
هرچند او جفا پیشه یول اوستونده دایاندی
بیزده بالا حق اوسته دایاندوخ ایکی میزده
.
.
گوزیاشی توکوب حقیمی آلدیم، سوزی قالدی
سیلی گوجونه ثانی الیمدن اونی آلدی
آختار بالا گوشواره می تاپ، گور هارا سالدی
توپراقلارا باخ گور نه بویاندوخ ایکی میزده
.
.
ایستیر بو فلک قدیمی آز سینیله اگسین
داس ستمیله گل پیغمبری دگسین
“قسمت بویوموش کوچه ده سیلی منه دگسین”
اما بو غم و درده قالاندوخ ایکی میزده
.
.
ال بیر اولوب ال الده دوتاندا یولی باهم
عالمدی آنیله بالا یول بیر اولی باهم
عیناً ایکی ساغر کیمی عشقه دولی، باهم
دیواره جفا ویردی، جالاندوخ ایکی میزده
.
.
سالام بو غم و دردیمیله اود دیله اوغلوم
اول یولی من دوتدوم الوندن بئله اوغلوم
ایندی ولی برعکس اولوب ایش، عفو ایله اوغلوم
سنده بالا باخ منده، اوتاندوخ ایکی میزده
.
.
«هاتف» نه قدر یازسا بو غمدن گینه آزدی
بو درد و غم و محنتیله قلبینی قازدی
کوچه سوزونی یاندی، یانان قلبیله یازدی
یازدی نه مصیبتله دولاندوخ ایکی میزده
.
.
.
#سبک_ای_باد_صبا … 7 سبک
.
.
.
#فاطمیه_شهادت
#رنگ_غم_و_اندوهه_بویاندوخ_ایکی_میزده
#حضرتی_هاتف
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...