یمِ مصیبتیوه یوخ کرانه زهرا جان #فاطمیه_منطقی_زنجانی

زبانحال حضرت علی (ع) در شهادت حضرت زهرا (س)
.
✍️ زبده الاشعار ✍️
.
🆔: @nohe_torki
.
مرحوم حبیب الله #منطقی_زنجانی
.
یمِ مصیبتیوه یوخ کرانه زهرا جان
ئورکده قالدی غم جاودانه زهرا جان
.
زمان وصل مبدل اولوبدی هجرانه
آیردی تیز سنی مندن زمانه زهرا جان
.
منه مفارقتین چوخ چتیندی چون سنیدون
جهاندا ختم رُسُلدن نشانه زهرا جان
.
بو ماجرا منه چوخ ناگوار و مشکلدور
شبانه دفن اولاسان مخفیانه زهرا جان
.
ویرنده غسل سنه دردیم آرتدی چون گوردوم
قولوندا وار اثر تازیانه زهرا جان
.
فروغ طلعتین ای ماه خانه ده یوخدور
قرانقولوقدی منه صحن خانه زهرا جان
.
بالالارین گورورم پر شکسته و غمگین
قفس اولوب پوزولان آشیانه زهرا جان
.
نه قبرین اوسته نه ایوده منیم قراریم یوخ
مزارین اوستونه گلّم شبانه زهرا جان
.
عم اوغلووام علییَم سسلرم سنی هر دم
جواب ویر منه ای نازدانه زهرا جان
.
او اودلانان قاپودان جسم و جان «منطقیه»
دوشوب شرر چکوب ایمدی زبانه زهرا جان
.
.
#فاطمیه_شهادت
#یم_مصیبتیوه_یوخ_کرانه_زهرا_جان
#ترکی
.
✍️ #زبدهالاشعار ✍️
.
🆔: @nohe_torki