روز محشر اولماسون الله بو شیعه شرمسار #عدلی_تبریزی

احوالات وهب
درخواست مادر وَهَب و شهادت آن جوان در روز عاشورا
.
زبدة الاشعار

?: @nohe_torki
.
حاج اصغر فرشچی (عدلی تبریزی)
.
روز محشر اولماسون الله بو شیعه شرمسار
اوز شفیعین گورسون اوردا بیرده لطف کردگار
.
گل وَهَب احوالینه گوز یاشینی ایله روان
روز و شب نی تک سیزیلدا ایت غمینده آه و زار
.
اول وهب که دشت غمده گوردی غمگین مادری
خسرو لب تشنگانی بی معین و غمگسار
.
یوز دوتوب اوز اوغلونا ای شیر مادر خور بالا
گوش جان ویر پند دور سوز چو درّ شاهوار
.
ای وهب عالم فنا دور بی وفادور با جفا
هیچ کیمه اِتموب وفا چه پیر اولاچه شیرخوار
.
عمر اولا گر نوح تک دنیاده اِت سَن زندگی
شیر دور آخر اَجَل ایلر سنی بیر گون شکار
.
باغلاما دل عشق دنیایه منه ای روح وجان
شوکتی چوخ بی ثبات ودولتی وار بی مدار
.
جان شیرین تلخ دور سود اُلماسا بوجانیده
سود وِیرَر اوندا قدوم شهده اولسون جانثار
.
بو همان صحرای عشق و بو همان کرب و بلا
بوهمان جانانه جان عالمده صاحب اختیار
.
یوخدی بیرجانان سنه غیر از حسین ابن علی
چات شهادت فیضینه منده اولوم خدمتگزار
.
تا ایشیدّی بوکلامی اوز آناسیندان وهب
امره تابع عرض ایدوب من ده آنا لیل ونهار
.
قلبیده آرزیم بو دور بوگون اولام دینه فدا
وادی عشق ایچره جانی ایلیم تقدیم یار
.
وارسنون بیر نو عروسون لیک ویرسن اذن اگر
آخرین دیداریمی اوندان ایدیم ای گلعذار
.
آلدی رخصت تازه داماد گلدی ایتسون تا وداع
شورعشقیله لبالب عشقیدن گوز اشکبار
.
عرض ایدوب مِحنَت کش ایام هنگام وصال
دوندی فصله فرقته سن اولما بیله بیقرار
.
من ایچم جام شهادت باغلادیم محکم کمر
مذبح عشق ایچره قربان حسین فخرکبار
.
چون ایشیدّی نو عروس جام شهادت کلمه سین
گیتدی طاقت بار ایدوبدور سینه ده غم بی شمار
.
اشک چشمین دّر تک جاری ایدوب رخسارینه
عرض قیلدی سن منی بو چولده ایتدون خوار و زار
.
ایسته سن راضی اولام سن شهد شیرین ایچماقا
وارایکی حاجت روا قیل ایت منی امید وار
.
حاجت اوّل بودور یاددان چخاتما سن منی
حورعینون وصلینه جنّتده اولما کامکار
.
حاجت دوّم بو دور دوت بو اَلیمدن تا آپار
زینبه تاپشور منی ایتسون کنیز ترسکار
.
هر ایکی حاجت قبول ایتدی وهب اوز همسرین
آننون اُپدی زینبه تاپشوردی اول پرهیزگار
.
پس وداع ایتدی گیوب دور جامۀ رزمی تنه
لحظه گچماقدا گوروبلر اولدی تا مرکب سوار
.
خسرو خوبانیدن رخصت آلوبدی تا وهب
سوردی مرکب عشقینی میدانه اولدی راهوار
.
تا یتوب میدانه دل آجدی رجز خوان اولماقا
ذکر الله اوّل ایتدی چکدی تیغ شعله بار
.
من وهب بیر عشق بازم خادم کوی حسین
عرصه ده من مرد جنگم وار دیلیمده بو شعار
.
عشق شاه کربلا قلبیمده طوفــان ایلیوب
قوخمارام بو رزمیده گر عدّه ز اولسا صد هزار
.
تازه دن بیرجان تاپار بو تن اولا آماج تیر
تیغ دشمن گر یاغا مانند باران بهار
.
مرد سوز بیر بیرگلون جنگه اولاخ تا رو برو
عرصۀ میدانیده مرد ایستور ایتسون کار زار
.
اولمادی اول قوم کافردن بیری جرأت تاپا
شیریلن جنگ اتماقا میدانه اولسون رهسپار
.
دوزمه دی چون شیر تک حمله ایدوبدور دشمنه
جنگه دارا مرد الینده تیغ تیزآبدار
.
نچّه سین اُولدوردی دشت کربلا دولدی قانا
صحنۀ میدان دگرگون دشمنی ایتدی شکار
.
بیر نمایش گوستروب دشمن دوشوبدور وحشته
هم قرین شیر اولانماز روبهان ایلوب فرار
.
اولدی خسته خونه آلوده جوان نامدار
ترک ایدوب میدانی گورسون مادرین اول با وقار
.
عرض ایدوب ای مادر غم پروریم اولدون رضا
ایله اظهار ای منه روح و روان والا تبار
.
قول سالوب دور بوینونا اُپدی یوزوندن تا آنا
پاک ایدوبدور چهره سیندن قانی هم گَرد و غُبار
.
گلدی گفتاره دیوب ای جان من نور بصر
راضی اولّام سن شهید و من اولام شب زنده دار
.
اللرین اوپدی آنانون یوز قویوب بار دگر
گلدی میدانه اولا تا بیرده دینه جان سپار
.
بیر رشادت گستروب میداندا تاب ایتدی وهب
تا جدا اولدی بدندن اَل یمین دن هم یسار
.
باشینی تندن جدا ایتدی جفادن قوم دون
لیک مادراولمادی وضعین گورنده دیده تار
.
رأس خون آلودی اوپدی آتدی دشمن سمتینه
سویله دی ای قوم پست وتیره بخت روزگار
.
بو باشی الله یولوندا ویرموشم دل ایسته مز
بیرده وصل اولسون دو باره تنده قالسون استوار
.
ماجرای کربلادن شمّه ای ایتدون رقم
وصفه گلمز «عدلی» امّا خامن اولسون پایدار
.

#وهب
#اصحاب_الحسین
#روز_محشر_اولماسون_الله_بو_شیعه_شرمسار
#عدلی_تبریزی
#ترکی
.
#زبدةالاشعار

?: @nohe_torki