زبسکه مایلیدی بزم وصل جانانه #حسینیه_حقیر_خویی

در بیان مجاهده ی عقل و عشق و استیلای عشق
.
زبدة الاشعار
.
: @nohe_torki
.
مرحوم میرزا عبدالوهاب حقیرخویی
.
.
زبسکه مایلیدی بزم وصل جانانه
نه قتل نفسینه باخدی نه آفت جانه
.
خیال یاریله چون روح آشنا اولدی
چخوب اوزوندن , اولوب جسمی جانه بیگانه
.
تاپوب چو ذوق بقانی اولوب فنا فی الله
امید وصلیله تعجیل ایدردی هجرانه
.
اوزینی آتشه ویرماقدان ایلمز پروا
شعاع شعله شمعه باخاندا پروانه
.
جفای خاری سانار سهل , زخم نیشینی نوش
سالاندا بلبل اوزون شوریله گلستانه
.
مدار سیریله اون سکیز ایل بو عالمده
مدینه یوسفی دوشموشدی چاه زندانه
.
یتوب او وقت که زندانیدن خلاص اولسون
دوباره عود ایلسون ماه مصر کنعانه
.
خیال ایتدی مناسب دگل اولا منزل
مدام طایر عرش آشیانه ویرانه
.
ولی خلاصینه بیر چاره تاپمادی هر چند
فضای سینه ده سیر ایتدی فکری هر یانه
.
مگر بو سینه که باب طلسمه قفل دوشوب
ایده حواله کلید خدنگ پیکانه
.
بو امره عشق رضا ویردی ایلدی تصدیق
کسوب قباقینی ناگاه عقل فرزانه
.
خطاب ایلدی کای عشق سرکش و بی باک
گتورمه رخش تهور بو یرده جولانه
.
شتاب ایتمه بو سوداده باش کسیلماق وار
اگر قدم قویا هر کیمسه بو بیابانه
.
جواب ویردی او دم عشق عقله بی پروا
نصیحت ایلمه هرگز بو نوع افسانه
.
اگر گلور سنه مشکل منه چوخ آساندور
منای عشقده آغشته اولماق آلقانه
.
دوباره عقل گتوردی جواب عشقه دلیل
ایشیت نصیحتیمی سرکش اولما دیوانه
.
بو راه پر خطر و منزل خطرناکین
خطاسی جوخدی قییت گیرمه سن بو میدانه
.
نهیب ووردی او دم عقله عشق سلطانی
منه عیاندی نه حاجت دلیل و برهانه
.
که تیغ و خنجریله چاک چاک اولور بدنیم
قوری یر اوسته دوشر پیکریم ذلیلانه
.
ولیک امر شهادتده سرّلر واردور
رموز کنهینه آگاه اولموسان یا نه
.
گرک روان اولا قان چشمه چشمه سینمدن
او قان دلیل اولا تا خضره آب حیوانه
.
جدا باشیندا باشیم شامه گیتماقی بولورم
رضایم عهد ازلدن بو عهد و پیمانه
.
مسخر ایلدی اقلیم عقلی خسرو عشق
چو عقل تابع اولوب بنده وار سلطانه
.
دوتوب تمام رگ و ریشه سین حقیقت عشق
اوزینی ووردی چو پروانه نار سوزانه
.
ووروب عقابه چپ و راستیدن مهمیز
عقاب شهپر آچوب گلدی سیر و جولانه
.
#حسینیه_حقیر_خویی
#حسینیه_شهادت
#ز_بسکه_مایلیدی_بزم_وصل_جانانه
#ترکی
.
.
#زبدةالاشعار
.
: @nohe_torki