زبدةالاشعار

زمانه گوز یاشیمی دوندروبدی قانه على #حضرت_صغری #تقایی_اردبیلی

نامه ی حضرت صغرا به برادرش
.
✍️ #زبدةالاشعار ✍️
.
🆔: @nohe_torki
.

#سبک

اجرای حاج شهروز اردبیلی

.
مرحوم تقایی اردبیلی
.
زمانه گوز یاشیمی دوندروبدی قانه على
منه سنون بوش اطاقون قالوب نشانه علی
.
سولان گلم سارالان رنگیمه باخان آغلار
زمانه حسرت ائدوب روی باغبانه على
.
قرا یازی باجووام ناخوشام طبیبیم یوخ
اورکدن هی چکورم آهی یانه یانه على
.
عجب ناخوش باجووی یوخلادون گوزوم قربان
اقلّی ایله سفارش بو ناتوانه على
.
اگرچه کوسمیشم ای مه لقا گرک باریشام
باریشماقا أئدورم نامه نی بهانه على
.
یازاندا آغلامیشام خطی نامه نون پوزولوب
یانان دلیم تک اولوب نامه شانه شانه على
.
گونوزلر آغلایورام قونشولار گلور سسیمه
اولاردا من کیمی هرگون گلور فغانه على
.
یوخومدا بعضی گئجه دلسیز اصغری گوروروم
عجب شیرین دل آچوب ایلیور ترانه علی
.
اونی قوجاقه آلوب دیندیرنده دیسگنورم
گوز آچجاقین گورورم بوشدی آشیانه على
.
ایمکلسه باجی قربان منه ده نامه ده یاز
دوروب یرى سه ائدوم منده شادیانه على
.
نمازیده اوزومه هئچ شفاده ایستمورم
سنی دعا ایلرم آند اولا او جانه على
.
مدینه قزلاری صحبت ائدنده بئله دیور
یاغوبدی کول ائله بیل که بو دودمانه علی
.
بو دودماندا آلا گوزلی بیر جوان واریدی
فلک آپاردی اونی بیلموروک هایانه على
.
وطن غریبی باجون چوخ یامان گونه قالدى
دونوب گوزوندن ایراق رنگی زعفرانه علی
.
باجیلارون گوزی قارداش الینده دور بیلوسن
کیمیم قالوب آلا بایرامدا عیدیانه على
.
اقلّی طرّه لروندن نشانه یولّا منه
باجون باخوب سوئنه بیله ارمغانه على
.
حقیقی عاشقووم سایماسوندا صبر ائدرم
گرکدی عاشق اولا صبریده دایانه على
.
یوخومدا قاسمی گوردوم حنا یاخوب الینه
عروسینون دولانوب رنگی ارغوانه على
.
رقیه قرمزی گیمیشدی الده شیشه گلاب
عجب شیرین دانیشوردی او نازدانه على
.
سریّه قرمزی شالین سالوب گلین باشینا
اورکده چکدی شرار غمیم زبانه على
.
هامی واریدی او طویدا منیم یریم بوشیدی
دئدوم سالوب منی گوزدن عجب زمانه على
.
اؤگیده اولسا باجی طویدا حق شرکتی وار
چاغور باجون قوشولا جمع میهمانه على
.
چاغورماسون دیه جكلر ئوگیدی سایمادیلار
بو غصّه گوز یاشیمی دوندروبدی قانه على
.
منیمده هدیه واریمدی خجالت اولمازسان
عزیز قارداشیمی قویمارام اوتانه على
.
عم اوغلومون طویونا هدیه حاضر ایلمیشم
دلیمده گلموری هئچ شرحینه بیانه على
.
اونون طویوندا گرک اصغر آغ لباس گیه
اودور که تیکمیشم آغ من او بی زبانه على
.
رقیه نون بویونا قرمزی بیچوب باجی سی
گینه ده خوشدی وورا تللرینه شانه على
.
بیر عمر بو یوخولار ایلیوب منی دلخوش
دوراندا شکر ائدورم خالق جهانه على
.
ولی منیم یوخیدا بیر گئجه یخلدی ائویم
ایشیم اولوبدی فقط نالۀ شبانه على
.
.
#حضرت_صغری #تقایی_اردبیلی
#زمانه_گوز_یاشیمی_دوندروبدی_قانه_على
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایکی غم کش باجی قارداش بو منزلده او منزلده #راه_شام_مضطر_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی