زهر ایچدی حسن لبلری دوغراندی جهاندا #حسنیه_کاتب_اردبیلی

شهادت امام حسن (ع)
.
#زبدةالاشعار
.
: @nohe_torki
.
مرحوم کاتب اردبیلی
.
زهر ایچدی حسن لبلری دوغراندی جهاندا
شاه شهدا ایچمدی سو یاندی جهاندا
.
.
بیلمم نیه عالمده سو قان اولمادی الله
زهر اولدی امام حسنه کوزه ده ناگاه
نوش ایلدی زهر ستمی سو بیلوب اول شاه
کانون دیلی ایچجک الولاندی جهاندا
.
.
مهریّه ایدی گرچه سو زهرای حزینه
یاخشی ائلدی مهر محبت حسنینه
اولدی حسنه زهر نصیب اولموب حسینه
لب تشنه علی اصغری اوخلاندی جهاندا
.
.
گرچه حسنی ایلدیلر زهریله مسموم
آغلاردی اونا قاره گیوب زینب کلثوم
دوغراندی ولی کرب وبلاده شه مظلوم
اهل حرمی قول قولا باغلاندی جهاندا
.
.
یاس قوردی امام حسنه عترت حیدر
اوخشاردی اونی هر بیری بیر نحویله یکسر
خوار ائتدی حسینون یاسینی شمر ستمگر
غارت اولونوب خیمه سی اودلاندی جهاندا
.
.
بیر ظلم ائلدى قوم عدو کرب وبلاده
قالدی یارالی نعشی حسینونده اراده
شامه آپاروبلار باشینی نوک جداده
مدّتلر او باش نیزه ده ساخلاندی جهاندا
.
.
یاندیردی یزیدون ستمی عالمیانی
جمع ائتدی قباقدا قولى باغلى اُسرانی
ویردی شه دین لبلرینه چوب جفانی
زینبده گوروب سینه سی داغلاندی جهاندا
.
.
#حسنیه_کاتب_اردبیلی
#حسنیه_شهادت
#زهر_ایچدی_حسن_لبلری_دوغراندی_جهاندا
#ترکی
.
#زبدةالاشعار
.
: @nohe_torki