شهادت حضرت امام حسن (ع)
زبانحال جناب زینب کبری (س)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا …
مشابه
.
مرحوم ذوقی تبریزی
.
یازمشدی قضا زهر جفانی سنه قارداش
باشلاندی بلاسی باشمون وای منه قارداش
.
.
قارداش باجون ئولسون نیه بوحاله قالوبسان
حالون پوزولوبدور بیله گل تک سارالوبسان
بو حالیله بیراود بو دل و جانه سالوبسان
رنگون دولانوب دوندی ندن سوسنه قارداش
.
.
باک ایلمیوب جعدۀ ملعونه خدادن
مسموم ایلیوبدور او سنی زهر جفادن
تقدیر اولونوب روز ازل امر قضادن
صبر ایلیه سن هم ستم دشمنه قارداش
.
.
نه زهردی ایلوبدی سنه ببر بیله تأثیر
قلبون آلشوبدور ویروب احوالیوه تغییر
بو امر قضادندی – قَدر ایتمدی تقصیر
دست ستمیله یتوروبدور سنه قارداش
.
.
عالمده هانی سنکیمی بیر بیکس و مظلوم
بوغم ایلیوبدور هامی عالملری مغموم
.
اوز محرمی ظلمیله اونی ایلیه مسموم
گلسه یری وار اهل جهان شیونه قارداش
.
.
ایستردی سنه ال تاپا تزویریله دشمن
سعی ایلیوب ال تاپدى یتوب مقصده ایمن
بیر باد مخالف له خزان اولدی بو گلشن
مشکل بیله آفت یته بیر گلشنه قارداش
.
.
سن بیر گلیدون گللر ایچنده بوچمنده
نه ایله گل آچدون نه یوزون گلدی وطنده
زر تک اریدون بوطۀ اندوه و محنده
تأثیر ایلین چوخ بوغموندی منه قارداش
.
.
هیهات آچا گل بیرده گلستانی ، جهانون
سولدوردی سنون تک گلینی باد خزانون
وای زینبه ، تأثیرینه باخ زهر جفانون
آخدوردی گوزون یاشنی پیراهنه قارداش
.
.
وای حالیمه بوندانصورا ایوای منه قارداش
سنسیز داخی ساق قالمیام عالمده ئولم کاش
تا واردی حیاتیم توکرم عارضه قانیاش
یوزدنده آخار خون جگر دامنه قارداش
.
.
زینبدی ازل گوندن اولان غملر آناسی
یاندی آناهجرینده گیدوب الدن آتاسی
چوخدور بو بلالی باشمون درد و بلاسی
گلدوقجه بلا صبر ایدرم من گینه قارداش
.
.
دلدن آلور آرامینی بیر قصّۀ جانسوز
آی ایل یتر اتمامه گیچر هر شب و هر روز
صحرای بلاده بو حسینیم قالو یالقوز
مقتول اولاجاق زادۀ ذی الجوشنه قارداش
.
.
«ذوقی» سنی تأیید ایلیوب خالق عالم
آغلار گوزیله ساخلا بو شاهنشهه ماتم
زینب دلیجه بو سوزی ذکر ایله دمادم
یازمشدی قضا زهر جفانی سنه قارداش
.
.
.
.
#حسنیه_ذوقی_تبریزی
#حسنیه_شهادت
#یازمشدی_قضا_زهر_جفانی_سنه_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید