زینبا آیات عصمت اعتباروندور سنون #زینبیه_لاادری

مدح حضرت زینب سلام الله علیها
.
✍️ #زبدةالاشعار ✍️
.
🆔: @nohe_torki
.
شاعر ؟؟؟
.
زینبا آیات عصمت اعتباروندور سنون
مکتب عفت جهاندا یادگاروندور سنون
.
خانه ی تقوانی صبریله مزّین ایلدون
عالمه عزّت ویرن عزّ و وقاریندور سنون
.
ریزه خوار خوان احسانون جهانه فخر ایدر
رستگار اولدی او کس که ریزه خواروندور سنون
.
محو ایدن رنگ خزانی گلشن آمالیدن
بو نسیم جانفزائیله بهاروندور سنون
.
جایگاهون بضعه ختم رسالت سینه سی
منزلون قرب حریم کردگاروندور سنون
.
انس و جن و ساکنان عرش و حورا و ملک
آستان درگهونده خاکساروندور سنون
.
انقلاب کربلانی ایتدی صبرون پایدار
تا ابد بو قانلی نهضت افتخاروندور سنون
.
لال اولا هر کیم دیور دشمن آلوبدور معجرون
عصمت الله سن آنان آموزگاروندور سنون
.
شرمدن مهر درخشان گورمدی هرگز یوزون
پرتو نور حقیقت پرده داروندور سنون
.
اوج همتده لوای دین و قرآنی یقین
ساخلیان تقوا و عزم استواروندور سنون
.
گللرون سولدوردی گرچه باد غم افزا ولی
عالم عشق و محبت لاله زاروندور سنون
.
هر بالاوین جان نثار کوی جانان اولماقی
غایت ایثار و عزّ و اقتداروندور سنون
.
عزّت و آزادگی اولدی رهین منتون
ظالمه باش اگمه ماق خونین شعاروندور سنون
.
گلستان عصمت و حریتی سیراب ایدن
چشمه چشموندن آخمیش جویباروندور سنون
.
آخمیوبدور عجزدن هرگز عذاره گوز یاشین
هر قدر دشمن قوی اولسا شکاروندور سنون
.
ظاهراً گرچه اسیر دشمن غدّاردون
لیک دوران اسارت شاهکاروندور سنون
.
طرز گفتاری خطیب لر سندن اورگنسون گرک
جان ویرن اسلامه لعل در نثاروندور سنون
.
دین یولوندا گرچه دوشدون مشکله آغازده
حقی احیا ایلماق انجام کاروندور سنون
.
.
#زینبیه_مدح
#زینبا_آیات_عصمت_اعتباروندور_سنون
#لاادری
#ترکی
.
✍️ #زبدةالاشعار ✍️
.
🆔: @nohe_torki