زبدةالاشعار

زینبون گر لایق لطف و محبّت دور حسین #زینبیه_فخر_تبریزی

زبانحال حضرت زینب (س) در حال احتضار
.
.
.
محمود #فخر_تبریزی (نالان)
.
.
#سبک_زینبم_جان_اوستیم … 4 سبک …
.
.
زینبون گر لایق لطف و محبّت دور حسین
گَل بو گلماقلِق منه مافوق عزّتدور حسین
.
.
جبریله سندن منی گر چه آیردی روزگار
هر یانا گِئتدیم ولی دینه قازاندیم اعتبار
گِتمه دیم سیریمده بیر دم خطّ مشیوندن کنار
خط سیریم گوردولر دیندن حمایتدور حسین
.
.
گلسِتانِ دینه سن قانیله ویردون آب و تاب
آتشین نطقیله من گُمرهلری ایتدیم مجاب
خلقه آندوردوم ندور مفهوم و معنای حجاب
اولدولار آگه باجون پابند عفّتدور حسین
.
.
دخت زهرایم منه مختصّیدی ستر و عفاف
بیر قدم چخماز حدود شرعدن آل مناف
هانسی عاشقده منیم عشقیم کیمی وار عشق صاف
عشقیمه عشّاق عالم غرق حیرتدور حسین
.
.
بحر عصمتدور آنام منده او دریایه صدف
اولموشام زینب آدیله بو جهاندا متصّف
هر زماندا محضروندن ایتمیشم کسب شرف
بو شرافت مایۀ فخر و سعادتدور حسین
.
.
هر زمان آرتورموشام دین حقین پیرایه سین
ایتمیشم تفسیر آیات حجابین ایه سین
گل باشیم اوستونده سال لطف و عنایت سایه سین
آخرین ساعت باجون محتاج رأفتدور حسین
.
.
من ازلدن بادۀ عشق و محبت مستیم
هر بلایه دلخوشام اوز عهدیمون پابستیم
بیر بلوک السیز ایاقسیز قزلارا سردستیم
بو سوزون اثباتنه عشقیم حکایتدور حسین
.
.
زینبه لطف ایله ای الطافوه عالم رهین
آستان بوسون ملائک خادمون روح الامین
کیم دیور زهرا قیزی شمره ویروبدور معجرین
مظهر ناموس حقّه بو نه نسبتدور حسین
.
.
تیر هجرانه اگر چه زینبون آماج دور
یاد رویونله اورکدن هر کدر اخراج دور
کُلّ عالم لطف بی پایانوه محتاج دور
حاجتیم وار لطفوه ، وقت اعانتدور حسین
.
.
زین اب لن گر اولوب مشهور نام و شهرتیم
لیک ایکی دنیاده سنلندور وقار و عزّتیم
آخرین ساعتده دیدارون اولا گر قسمتیم
بیر باخش دنیا و عقبایه کفایتدور حسین
.
.
حاشه غملر زینبی دلدن سالوب بی تاب ایدر
پیک وصلون شاخۀ امّیدیمی شاداب ایدر
بیر نگاهون ذرّه نی خورسید عالم تاب ایدر
اولماسا نورون عوالم غرق ظلمتدور حسین
.
.
یانموشام نار فراقوندا سنون شام و سحر
نوکموشم گوزدن یوزه گوز یاشی چون دُرّ و گوهر
آخرین ساعتده اولسان باشیم اوستونده اگر
جاودانه زینب کبرایه دولتدور حسین
.
.
جام عشقوندن اولان گوندن باجون مخمور و مست
اولدی زینب پای بند عهد و پیمانِ اَلَست
قورتاروب غمرون ولیکن اولمادی عهدی شکست
عف ایله عهدینده گورسن نقص خدمتدور حسین
.
.
دگدی چون تیر شماتتلر منِ خونین دله
مرد مردانه دایاندیم ایتمدیم غمدن گِله
قویمادیم من کشتی صبریم دوشه هرگز گِله
باخمادیم سینم دولی تیر شماتتدور حسین
.
.
تاپمیوب بیر لحظه یول نقص و خلل آئینمه
هر حوادث ویردی یوز آرتدی علاقم دینیمه
سر فراز ایله منی غربتده گل بالینیمه
قوی قدم بو گوزلر اوسته جانه منّتدور حسین
.
.
چاتدیم اوز آمالیمه وار خالقه حمد و سپاس
موج طوفان بلادن ایتمدیم خوف و هراس
آل هاشم اهل ظلم و جوره ایتمز التماس
بو مرام عترتِ ختم رسالتدور حسین
.
.
وادی عشقونده هر لحظه گوتوردوقجا قدم
دمبدم وردیم اولوب یا ذَالمَعالی وَالکَرَم
بیر جمالون جلوه سین مینلر بهشته ویرمرم
دلده منظوریم نه گُل نه سیر جنّتدور حسین
.
.
گُل آدون هر روز و شب دلده شعاریمدور منیم
هر ایکی دنیا وجودون افتخاریمدور منیم
ایت قدم رنجه زمان احتضاریمدور منیم
صحبنون بو قانه دونموش قلبه قوّتدور حسین
.
.
ای اولان دنیا و ما فیها رهین منّتی
وی ایدن اسلامی پاینده قیام و نهضتی
ای اولان هر درد بی درمانه درمان تُربتی
دردمندم دردیمه درمان او تربتدور حسین
.
.
وصفه گلمز وار نقدری ماجراسی باشیمون
آب حیوان رشکی هر بیر قطره سی گوز یاشیمون
یوخ ایکی دنیاده مثلی سن کیمی قارداشیمون
خونبهاسی قانیوین خلّاق رحمتدور حسین
.
.
رُویت رخساروه مشتاقیدیم هر روز و شب
علقۀ ذاتی اولوب بو دعوته عمده سبب
عف ایله بو دعوتیمده اولسا گر سوء ادب
بو ندادن نیّتیم فیض زیارتدور حسین
.
.
گر چه بو یولّاردا گلدی چوخ بلالر باشیمه
ایتمیشم صبر و تحمّل یتمیوب خم قاشیمه
جان عالملر قدادور سن کیمی قارداشیمه
اولماسان سن ماسوا بی قدر و قیمتدور حسین
.
.
لوح دلده جز آدون بیر آیری کلمه یازمادیم
هر بلا گلدی دایاندیم حق طریقین آزمادیم
کربلادن کوچ ایدنده حیف قبرون قازمادیم
قان ایدن بو گوگلومی بالله او حسرتدور حسین
.
.
بولموری « نالان » بیله درگهده قدر و قیمتین
بولسه گر هرگز الندن فوته ویرمز فرقتین
نوکروندور لطف ایله قویما اورکده حسرتین
قبروه حسرتدی آگهسن نه مدّتدور حسین
.
.
#زینبیه_شهادت
#زینبون_گر_لایق_لطف_و_محبت_دور_حسین
#ترکی
#زبدةالاشعار

متن پیشنهادی:  گلمیه جک عالمه تا دم روز شمار #عباسیه_کاتب_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی