زینبین همت وعملکردی #ورود_شام #واصف_مرندی

#ورود_شام
#مجلس_یزید
.
زبدة الاشعار
.
?: @nohe_torki
.
واصف مرندی
.
.
زینبین همت وعملکردی
عمر لر زحمته برابردی
.
شامیده قهرمانلیق ایامی
طول تاریخیمیزده برتردی
.
شامه گتدی حسینین عشقینده
تانیدا خلقه مردو نامردی
.
کوفه نی فتح ائدیب فصاحتلن
شامه پیک حماسی گوندردی
.
دئیون هند اوغلونا گلور زینب
معجری الده قانلی خنجردی
.
کشوری لشگرین مسلح ائله
دئمه زینب بدون لشگردی
.
گلورم تختین اوسته قاره چکم
قدرتیدن بوحرف کمتردی
.
بوخبرشامیده دیله دوشدی
دئدیلر بس کی ساده باوردی
.
باغلانیب شهره اصلی دروازه
بوعمل ضعف هرستمگردی
.
یتیریبلر حوالی شامه
شامیان غافل دنی تردی
.
ایستیرم مطلبیم حماسی اولا
چونکی زینب حسین دیگردی
.
شامی گرخیبره ائدم تشبیه
بو خانم قهرمان خیبردی
.
نهرعلقم یولون ملاک ائلسم
بو ابوالفضل تک دلاوردی
.
هیبتیندن آچیلدی دروازه
زینب اوندان هله هنروردی
.
شامین اهلی چیخیب تماشایه
گوردولر کاروان منوردی
.
گورمه میشدیله هئچ امام ئوزونی
مسئله چوخ تعجب آوردی
.
باخدیلار تا امام سجاده
دئدیلر بو جوان پیمبردی
.
امرا مطلبی ائدیب انکار
وانمود ائتدیلرکی کافردی
.
اهلبیته ویریلدی دیل یاراسی
چون تفکر لری محقردی
.
بالالارین بیری اشاره یلن
دئدی آلله بوامره داوردی
.
مجلس شامه چکدیلر بحثی
گوره لر کیم متین سخنوردی
.
ایاقا دوردی قهرمان زینب
دئدی الله ضعیفه یاوردی
.
گلمیشم شامیده ائدم ثابت
کیم آقا کیم کنیز و نوکردی
.
مستدور چون یزید بولمویوری
کیمیلن عرصه ده برابردی
.
بزییب قصرینی خیالیلن
فکر ائدیر روزگار آخردی
.
آند اولا غیرت شهیدانه
بو شهادت حسینه زیوردی
.
بو ایکی بیتیمه قضاوت ائدین
نقدر مطلبه بیانگردی
.
جنگ جایز اولیدی عورته گر
زینب اول عرصه لرده نیلردی؟
.
اوندا رومین سفیری گلدی دیله
دیدی بو بزمیده نه محشردی !؟
.
بو خانم کیدی بو فصاحتلن
سوزلری طبق دین و منبردی
.
دوزدی قاره گیوب عزا سوزی وار
واقعا قاطع و موقردی
.
او باشی طشتیده نیه ویریسیز
لبلری گول سایاقی پرپردی
.
ندی تقصیری بو بالالارین
تک تکی درد الینده مضطردی
.
بیله معلوم اولور سویولوبلار
بالا قیزلار بدون معجردی
.
.
.

#زینبین_همت_و_عملکردی
#واصف_مرندی
#ترکی
.
#زبدةالاشعار
.
?: @nohe_torki