در شهادت حضرت خاتم الانبیا (ص) و شهادت حضرت امام حسن (ع)
.
✍️ زبدة الاشعار ✍️
.
🆔: @nohe_torki
.
کربلایی احد ظهرابزاده (واصف مرندی )
.
بو گون پیغمبرِ رحمت
جهاندان رهسپار اولدی
مصیبت گونلری بوندان
صورا یک بر هزار اولدی
.
.
سقیفه مجلسینده انتخابات خلافتدی
خود شیطاندی تبلیغات ائدن یوم خیانتدی
ولی بیت نبوّتده مصیبتلی حکایتدی
علی نین سینه سی آلاله مثلی داغدار اولدی
.
.
قرا عمّامه باشینده اولوب طاهایه غسّاله
فضای یثربی برهم ائدیبدی دل شکن ناله
اگر زهرا ائده ناله سالار مولانی نه حاله
ملکلر نالۀ زهرایه یکسر اشکبار اولدی
.
.
غدیر خمدا بیعت ایلینلر بیعت عشقینده
مغیره هیزم آماده ائدیر بیر فرصت عشقینده
ولی زهرا شهادت حسرتینده غیرت عشقینده
قرا آلتدان کفن گیدی اورگدن بی قرار اولدی
.
.
علی گوز یاشلاریلان غسل وئردی جسم طاهایه
بو فرصتده عمل قرآنه ائتدی آیه به آیه
وداع آخرِ بابا ائلیکی چاتدی زهرایه
ائله آغلاشدیلار صبرین سراسی تار و مار اولدی
.
.
ولی تاریخ تقویمده همین گون بیر شهادت وار
امامت دودمانینده مصیبتدن قیامت وار
گلیر زهرا ائویندن نالۀ زینب حکایت وار
پیمبر سالگردینده عوالم سوگوار اولدی
.
.
همان گونده مصیبت برهم ائتمیشدی همان شهری
امام مجتبانین ئوز ئوینده ماویه زهری
ایاقدان سالدی آز قالدی یاغا گویده خدا قهری
اورگلر بیر ساغالماز درده ظلمیلن دچار اولدی
.
.
شهادت عشقینه دوتموشدی حضرت اول گونی روزه
کنار بسترینده زهر آمادیدی بیر کوزه
سیاست زهری گور نیلر عطشدن قوزانان سوزه
که اوّل جرعه سینده داخلی درد آشکار اولدی
.
.
جگرلر پارچالاندی لبلریندن شعله چکدی تب
ایلان ویرمیش کیمین چیرپیندی بسترده زمان شب
یانیخلی لحنلن سسلندی تئز گل دادیمه زینب
ائشیتدی بو سسی زینب یانیخلی آه و زار اولدی
.
.
قوناق گلمیشدی زینب اُول گجه قارداشینه گویا
ائشیتسه بو سسی باجی نه ایلر نصف شب آیا
هراسان دوردی بستردن دئدی ادرکنی یا زهرا
نَلَر گوردی همان لحظه وجودی خاکسار اولدی
.
.
امامی باغرینا باسدی گوروبدور نیمه جان واردی
نه استعداد گفتاری نه جسمینده توان واردی
یاراسی یوخدی اما لبلرینده لخته قان واردی
جالاندی صبرینین جامی خانم بی اختیار اولدی
.
.
بویوردی چوخ شهادتدن علامت قان اولار زینب
حسینی سسله سن گلسه منه درمان اولار زینب
حسینیمین حضورینده ئولوم آسان اولار زینب
بونی یادینده ساخلا مجتبی دن یادگار اولدی
.
.
حسینی گوئیا رؤیاده زهرا باخبر ائتدی
قولاقینه ائلیکی زینبین وای ناله سی یتدی
کَاَنَّه تلّین اوستوندن کنار علقمه گتدی
آلوب ادرک صداسین روزگاری پر شرار اولدی
.
.
.
#سبک_علی_اصغر_مه_انور ( 8 سبک سینه و زنجیر)
.
.
#پیامبراسلام_شهادت
#حسنیه_شهادت
#بو_گون_پیغمبر_رحمت_جهاندان_رهسپار_اولدی
#واصف_مرندی
#ترکی
.
✍️ #زبدةالاشعار ✍️
.
🆔: @nohe_torki
نظر دهید