بازگشت به مدینه
.
#زبدةالاشعار
.
: @nohe_torki
.
مرحوم تقایی اردبیلی
.
زینب قییتدی یثربه الله اکبر
قدّی خمیده باشدا یدّی قاره معجر
.
.
اولدی مؤثر زینبون افلاکه آهی
قوردی کنار شهریده غم خیمه گاهی
عرشه طرف دوشدی اونون بیردن نگاهی
گوز یاشی توکدی دختر خاتون محشر
.
.
سسلندی غم سیخدی دل زار و ملولی
اولسون بو شهرون زینبی مشکل قبولی
دشمن قویوب قاره گونه آل رسولی
گلدیم بو شهره خون جگر من زار و مضطر
.
.
فوج بلا قلبین اونون ظلمیله سیخدی
کاخ امیدین چرخ دون بیر لحظه یخدی
اهل مدینه ناگهان پیشوازه چیخدی
قلبی اولوب غمدن اونون زار و مکدر
.
.
باخدی او پیشوازه گلن اهل ولایه
سسلندی ای یثربلی لر باتدیم عزایه
تاپشوردیم آل حیدری کرب و بلایه
قانه بویاندی معنی والشمس و کوثر
.
.
واردور یئری ایتسم نوا من ایندی نی تک
قربان اولوب قارداشلاریم قرآنه نینک
قالدی حسینیمدن منه بو قانلی کوینک
گَتدی اونی الده نشان بو غملی خواهر
.
.
قربانلاین دوزدی حسین بیردن نظامه
سیز بیر باخون ظلم دل اشرار شامه
لیلایه اکبردن قالوب قانلو عمامه
آلمیش اله عمامه سین بیچاره مادر
.
.
آل اللهون بر هم اولوب جبراً اساسی
سقانی قانه غرق ایدوب شام اشقیاسی
قالدی بیزه بیر مشکی بیر قانلو لواسی
عباسمی نهر اوسته سالدی قوم کافر
.
.
هرگز بلای کربلا گلمز حسابه
بیر ظلم اولوبدور عترت ختمی مآبه
حد جفا معلوم اولور باخسوز ربابه
اوز قانین ایچدی ظلمیله شش ماهه اصغر
.
.
خار جفا پرپر ایدوب گلبرگ یاسی
چیخدی عروس بی کسون عرشه نواسی
نو کدخدانون طوی گونی باشلاندی یاسی
تازه گلین باشه سالوب بیر قاره معجر
.
.
بیرگونده یدّی قارداشیم غرف اولدی قانه
یتمیش جنازه خیمیه اولدی روانه
صحبتله اندوه دیلیم گلمز بیانه
اولدی نئجه غرق بلا آل پیمبر
.
.
ظلمیله جام دل او گون قهراً جالاندی
ال آچدی دشمن غارته خیمم تالاندی
اخیامه اود ویردی قوشون بیر آندا یاندی
قالدی مریضیم خیمده الله اکبر
.
.
باغلاندی آل مصطفی یکسر طنابه
چکدی بیزی ناکس قوشون بزم شرابه
هر بزمده من باشلادوم گیرا خطابه
ویردی بیان من بی کسه خلّاق داور
.
.
حقدن مدال افتخار آلدی رقیه
تخت یزیدی لرزیه سالدی رقیه
ویرانه ده جان ویردی تک قالدی رقیه
ئولدی آجیندان اول شیرین دل ناز پرور
.
.
.
#ورود_مدینه_تقایی_اردبیلی
#زینب_قییتدی_یثربه_الله_اکبر
#ترکی
.
#زبدةالاشعار
.
: @nohe_torki
نظر دهید