زبدةالاشعار

جهانون کسب کاریندن عقول مردم حیراندور #پندیات_عدلی_تبریزی

بو قرآنه ایدون طاعت …
.
✍️ #زبدةالاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
جهانون کسب کاریندن عقول مردم حیراندور
بو بازار تنافرده روا تدبیر شیطان دور
.
بیری نادانلوق اوستونده ویرور لاف هنرمندی
بیری سویلور مُریدحق دور امّا ناخوش انسان دور
.
بیری لبخندیلن توؤلور بیری آغلور بیرین توؤلور
چکوب نقشه ایدور تزویر مبیّن دور نه پنهان دور
.
تاپولسا بیر نفر ایتسه اگر دعوی دلسوزی
قالوب قیده اولار نادم زمان گچسه پشیمان دور
.
بیری غوغا ایدور از بس ویرور وعده یالان خلقه
منه واضحدی دنیانون که وضعی نا بسامان دور
.
ایدر ترویج اولوب خودخواه او باد آورده ثروتدن
عقیدم وار اولار انسان دگوللر بلکه حیوان دور
.
بیری شاه و بیری شاهد بیری کتدی بیری شهری
بیری کاسب بیری مالک بیری سروردی سلطان دور
.
هانی وجدان شرف هاردا ندن گوزلر اونی گورمز
چکن اعماق دریایه بو خلقی اهل نادان دور
.
گلوب تورات گلوب انجیل او موسایه بو عیسایه
فراخوان اولدی اُمتّلر بولون بو لطف یزدان دور
.
او قانون که گرگ میثاق اولا مُصْلِحْ دی عالمده
فرا خوانی محمّدّی کتابی نفس قرآن دور
.
همان قرآن یوز اون دورت سوره سینده واردی بسم الله
هوالله احددور هم صمد دور حیّ و رحمان دور
.
بو قرآنه ایدون طاعت قویون وسعت تاپا حکمی
گر اولسا حکمران دنیا ایشی مخلوقه آسان دور
.
بو قرآن اوسته پیغمبر چکوب ایرمی اوچ ایل زحمت
دیوب مندن صورا حاکم علی دور حکمی رُجحان دور
.
علی حقدی علی شهدی علینون حکمی قرآندی
اولون تابع چاتون امنه جهنّم نار سوزان دور
.
یازوب بوسوزلری «#عدلی» دیمه هاردان هارا چکدی
علینی سویمسه هر کیم اوزی انصار شیطان دور
.
.
.
.
#قرآن #پندیات
#جهانون_کسب_کاریندن_عقول_مردم_حیراندور
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دوشن سجنده بیحد بلایه آقام ایوای #کاظمیه_فریدی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی