اربعین
..
..
..
رضا غلامپور (دلپاک)
..
..
..
زینب یئتنده حسرتیله کوی وحدته
پیوسته تربتین بویادی اشک حسرته
..
اوّلده شوق وصل ائله آلدی قرارینی
یکسر مقالی حسرت اولوب بیر عبارته
..
بیر دل دولی حکایتیله دوشدی نطقیدن
معروفیدی اگر چه بیاندا فصاحته
..
تفسیر اولوبدی بیر به بیر آیات ابتلا
دل داخل اولمامیش هله کوی تلاوته
..
تقریر ابتهالینه ائتدی اراده چون
مهر سکوت ووردی سرشکی قرائته
..
بار ملالیدن دل آچیب قدّ و قامتی
درد و غمین دئدی کیچیلن قدّ و قامته
..
بغض نهان فغان عیان بزم بزم شور
شارح قالیب نلر یازا شرح بو حالته
..
حاصل اوجاتدی ناله سسین تنگ سینه دن
تا کی اولا نشانه حدود ملالته
..
بیر باخدی لاله لر دؤشنن دشته چکدی آه
بیر بیر اشاره ائتدی حدیث طراوته
..
گه غنچه دن دانیشدی گهی قدّ سرودن
گه اوخشاما دئدی گل باغ امامته
..
قارداش مزاری اوسته اؤزون سالدی بی درنگ
نه دل کی بلکه جانیله عرض ارادته
..
تا تربت حسینیله دولدوردی اؤجونی
آغلار گوزیله باخدی صورا یاخدی صورته
..
بیر صیحه چکدی آغلادی عرض ائتدی یا حسین
زینب گلیبدی کربُبلایه زیارته
..
بو کربلا بو صحن مقدّس مبارکون
وه کی چاتیبلا سنله نه گور شأن و شوکته
..
قلبی شکسته غصّه لی زوّاریوام کی من
الله بولور زیارتی آلدیم نه قیمته
..
آزاد ائدم فغانی گرک بند سینه دن
گئتمیشدی گوئیا اودا من تک اسارته
..
مدیوندی اقتداریوه عالم بویی شرف
وئردون عجب بو چولده شرافت شرافته
..
باطلدی هر تفکّر فرد مقابلین
سنسن حقیقتاً کی نشانسان حقیقته
..
باش اگمدون عوامل ظلمه کی حشره تک
آزاده لر باش اگمیه عمّال ذلته
..
آزاده لیق ممالکی مطلق سنونکیدور
بالله مقام نوریده یئر یوخدی ظلمته
..
شِکوه بلادن اهل دله عیب محضیدور
حاشا کی ابتلادن آچام دل شکایته
..
دور بیرده بیر محبّتیله صحبت ایلیاق
محفلده چون کی هر نه مهیّادی صحبته
..
واضح دئسم بودور سنه دلده نهان سوزوم
محتاج اولوب باجون ائله قارداش محبته
..
میدان غمده آرخاسی دگمز یقین یئره
کیم آرخالانسا سن کیمی صاحب کرامته
..
منده اودور جهاندا سنه آرخالانمیشام
محنت ئولونجه اولمیا تا چیره طاقته
..
فیض کثیریدی هامی انفاسه نکهتون
من تک دخیل اولوبدی صباده بو نکهته
زینب مریض عشقیدی عشق اوسته ای طبیب
جان تحفه سی الینده گلیبدور عیادته
..
غم زینبون ائله توخانوب تار و پودینه
قبرینده ده محالیدی چاتسون فراغته
..
منده شهادتینی دئدیم گر چه ئولمدیم
بو قتلگهده سن یئتیشنده شهادته
..
حیرتدیم بو یئرده روا اولمور ائیستگیم
ئولّم مزارون اوسته یئتیشسه اجابته
..
صبر ایلدیم فراقه کی نهضت تاپا قوام
بوندان صورا دوزنمرم آلام فرقته
..
بیر باجییَم که قارداشیم اللرده جان وئریب
جان اوسته صبر ائدیب یارالی هر مشقّته
..
دور گور قالیب نه گونلره گون گورمین باجین
گونده دوشوب بو گونلری گوردوقجا حیرته
..
بیر آرزو اولوب سنه من آغلاماق حسین
باخ آرزویه باخ منه باخ دلده حاجته
..
گلدیم کی بیر دویونجا سنه آغلییب گئدم
دویّام مگر ئولونجه فغاندان بو محنته
..
ترک ائتمرم اوزوملوق اولا قبر اطهرون
قالّام یئته بو عرصه ده عمروم نهایته
..
امّا منی امین سن ائدیبسن عیالیوه
آخر مُقیَّدم بولوسن کی امانته
..
قیزلاریوی گرک آپارام شهر یثربه
من تک دوشلّر اوردادا هر چند غربته
..
بو تربتی کی ثار اِلهیدی مایه سی
بوردان گئدنده توشه آپارّام عبادته
..
افغانیله گوزتلرم اوقات طاعتی
سجده زمانی تا کی قویام باش بو تربته
..
فارغ اولوب سلامیدن ای السّلام عشق
باش بیرده سجده گاهه آپارّام بو نیّته
..
تا سجده ده دویونجا سنه بیرده آغلیام
بیر رنگ رو وئرم بو بکائیله طاعته
..
گوز یاشمیله ایسلادارام گونده تربتون
اشکیمده گوزده نائل اولا فیض رحمته
..
گه اؤجوما دوتوب ئوپرم اییلَرَم گهی
گه گوزلری یئتیرّم اونیله فضیلته
..
قبر بتوله گه آپاریب سویلرم آنا
بو تربتی دولاندیریرام قصد قربته
..
دور بیر حسینه نوحه دئیوب باهم آغلیاق
توش اولدی بیر حسین کی خدنگ عداوته
..
باشین کسیبدی ووردی عدو نیزه باشینا
نیزه باشیندا اولدی مبلّغ شریعته
..
صد پاره کوینگین سنه شاهد گتیرمیشم
بیر کوینگی کی ظلمیله گئتمیشدی غارته
..
تا امر ائدیبدی نظم بو مضمونه«جابری»
«دلپاک»قویدی سنگ بنانی اطاعته
..
یازدی یازاندا اولدی اورکدن امیدوار
محشرده«جابریله»برات شفاعته
..
(1)نوحه خوان باصفای اهل بیت علیهم السلام ، حاج تقی جابری
..
..
#اربعین #دلپاک #ترکی #زبدةالاشعار
زبدة الاشعار 
: @nohe_torki . عدلی تبریزی . وارقیامت عالمیندن بیرعلامت بو گجه جانویرور باشدا یارا شاه ولایت بو گجه . . کاش امامت رختنی اوز قامتیندن سویمیه جَنّت المَأواده طاها قلبنی غمبیشتر
زبانحال محمد حنفیه : . گل ای سفینهٔ محنتده ناخدا قارداش گلوب طلاطمه دریا کیمی بلا قارداش بیشتر
نظر دهید