زینب یتنده قتلگهه دلده شور وشین #کوچ_کربلا_عباسعلی_فاخر

کوچ از کربلا
.
#زبدةالاشعار
.
: @nohe_torki
.
عباسعلی فاخر
.
زینب یتنده قتلگهه دلده شور وشین
اشکین توکوب عذارینه عرض ایتدی یاحسین
.
یاتما قوم اوسته آچ گوزون ای باوفا اویان
ای محنت و بلالریمه آشنا اویان
.
نه ظلمیله سالوبلا سنی بو چوخور یره
آغلور سنون بو حالوه اهل سما اویان
.
دشمن گلوبدی سجدده باشون سراغنه
خامه نجه بو شرحی ایدر برملا اویان
.
شمره اسیر اولوبدی بو گون آل مصطفی
اوج ایلوری سپهره فغان و نوا اویان
.
قویدون کیمین امیدینه باشسیز عیالوی
ویردون گلن قضایه بوچولده رضا اویان
.
اولدی خزان بو دشتیده گلزار فاطمه
ای باغبان گلشن آل عبا اویان
.
تاراج ایدوبدی زاغ و زغن گلستانوی
ایتدی اسیر عترتوی اشقیا اویان
.
سن سیز ایشقلی گون گوزومه لیل تار اولوب
ای وجه پاکی مظهر شمس الضحی اویان
.
قویمور بو شمر انس دوتام شیونیله من
ویرمور امان عیالوه اول بی حیا اویان
.
مهلت ویره بو شمر اگر بیر زمان منه
قیلّام کفن بو جسموه ای باوفا اویان
.
فریاد ایدور که قافله نی لنگه ویرمیون
عرشه چخوبدی نالۀ واغربتا اویان
.
قارداش اذان ویرلّه مسافر گیدن زمان
سن ویر اذان بو قافله دوشسون یولا اویان
.
من دست بسته مجلس اغیاره گتمه سم
ویرمز ثمر بو نهضت کرب و بلا اویان
.
ایتدون بو چولده پرچم اسلامی پایدار
زینبده کفر پرچمین ایلر فنا اویان
.
منده دیار کوفه ده سودای عشقدن
نصب ایلرم شهامتیله بیر لوا اویان
.
کاخ یزیدی شامده ویرانه ایلرم
قویّام سفیر او شهرده بیر مه لقا اویان
.
گر چه رقیه شامده حسرتله جان ویرر
ایلر ولی خرابه نی دارالشّفا اویان
.
دوت دامن رقیّه دن ایت ناله و فغان
بو نوعی یاتما غفلتیله فاخرا اویان
.
هر کیم گلوب بو درگهَه اجرین آلوب یقین
ایلر نه دردون اولسا دوا مطلقا اویان
.
.
.
.
#کوچ_کربلا_عباسعلی_فاخر
#زینب_یتنده_قتلگهه_دلده_شور_و_شین
#ترکی
.
#زبدةالاشعار
.
: @nohe_torki