زبدةالاشعار

گلوب حضوروه قارداش حسین، وفالی باجون #اربعین_واقف_سرابی

اربعین
.
✍️ #زبدةالاشعار ✍️
.
🆔: @nohe_torki
.
مرحوم واقف سرابی
.
گلوب حضوروه قارداش حسین، وفالی باجون
دوشوب قراگونه اگنی باشی قرالی باجون
.
باشین کجاوه یاروب روح چخدی باشیندان
خرابه لرده قالوب قالب مثالی باجون
.
اوزون بویور باجون ئولسون یارالارون نجه دی
گیدنده پیکروی چون گوروب یارالی، باجون
.
نجه گیدیم وطنه گتمگه یوزوم گلمز
ئولیدی کاش ، یرون گورمییدی خالی ، باجون
.
نجه دیوم آناما کسدیلر سوسوز باشینی
گیدوب ننوعله تقریر ایدر بوحالی باجون
.
قریلدی قوم و قبیلم کیمون امیدینه بس
مدینیه آپارور بیر بؤلؤک عیالی ، باجون
.
دوباره ده آنام اوغلی خجالتم سندن
چکر رقیّه دن اوتری بو انفعالی باجون
.
بله خیال ایدوسن گلدی من گتورمه میشم
اونون خیالنه دوشموش اولوب خیالی باجون
.
رقیه اوچ گیجه آج یاتدی جان ویرن ساعت
آلوب قوجاقه ، گوزین باغلیوب بلالی باجون
.
دو شاخه یاره سینه جان ویرنده قویدی الین
دیردی قارداش علی گل ئولور یارالی باجون
.
ویرنده غسل باخوب تازیانه لریرینه
فغان و ناله چوب اولدی لاابالی باجون
.
قیامت اولدی اوگون «واقف» عرض ایدوزینب
گلوب حضوروه قارداش حسین وفالی باجون
.
#اربعین_واقف_سرابی
#گلوب_حضوروه_قارداش_حسین_وفالی_باجون
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  صحرای عشقه قویدی قدم پادشاه عشق #صحاف_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی