ساخلا قدم گیتمه دایان ساربان #راه_شام_شهاب_تبریزی

راه شام
.
.
مرحوم شهاب تبریزی
.
.
ساخلا قدم گیتمه دایان ساربان
قافله دن واردى قالان ساربان
.
.
ایمدی مصیبت اونی دیلدن سالور
وحشت غم صبرینی الدن آلور
بُلمرم هیچ ایمدی ئولوب یا قالور
قالماقنا یوخدی گمان ساربان
.
.
باخبر أیت قافله سالاریمی
ناقه سوار عابد، بیماریمی
یخدیلا بیر بیکس بیماریمی
ایله بو احوالی بیان ساربان
.
.
ایمدی بالام چوللری حیران گزر
ناله چکور دیدہ سی گریان گزر
گاه صاقا گه صولا نالان گزر
آغلار ایدر آه و فغان ساربان
.
.
قافله می ساخلا رقیّم گله
گلمسه قویمام گیده بو قافله
عالمه بیر اود ورارام آهیله
حالینه یوخ کیمسه یانان ساربان
.
.
یوخ اونا بیرکیمسه پرستار اولا
غصه لیدی غملیدی غمخوار اولا
بسر بالا که شمره گرفتار اولا
قالماز او محزونیده جان ساربان
.
.
خردا اوشاق وادی غم هولناک
دهشت وحشتدن اولور زهره چاک
وحشت محشردن ایله سنده با ک
خواب ضلالتدن اویان ساربان
.
.
نیزه باشندا باخ حسینون باشی
گور نه باخار گوزدن آخار قانیاشی
حالی اونون یاندوری داغی داشی
سنده اونون حالینه یان ساربان
.
.
بسدی او خونین جگر دربدر
خورداجا وقتینده اولوب بی پدر
گورسه گیدویدور باجیلار عمه لر
ایتمز او بیچاره توان ساربان
.
.
چوخ تیز اولى عالم عقبا گَلی
بو عملوز محشره یکجا گَلی
صاحب قان حضرت زهرا گَلی
وار دور او قانی بیر آلان ساربان
.
.
آغلا شهابا یوزه توک اشک تر
شرح مصیبت ایله شام و سحر
بسدی بو سوز اجری یتر روز حشر
ساخلا قدم گیتمه دایان ساربان
.
.
#راه_شام #شهاب_تبریزی #ترکی #زبدةالاشعار