وداع امام حسین (ع)
.
.
مرحوم خوندل تبریزی
.
.
قیزلاریم آغلاشور یانور آرتور اگر غمون باجی
ساخلا گوزونده جان سنون جان بو رقیمون باجی
.
.
باخ بو حریم عصمتون وار بیر اسفلى منظری
گل کیمی آفت خزان سولدورب آل حیدری
دوزدی عطش حرارتی خشک ایلیویدی لبلری
لیک محال خشک اولار گوزدن آخان یمون باجی
.
.
تاپشورورام بو گون سنه قیزلاریمون حراستین
تک به تک اهل بیتمون چک هامی رنج و زحمتین
لیک قیزیم رقیه نین قوی بو غریبه منّتین
صبر ایله بیر ایل اولسا بو باره ده بیر دمون باجی
.
.
یورما بلادن اؤز اؤزون ایلمه ناله و انین
ساخلاموسان الونده چون شاهد بخت دامنین
قدرینی بول بو ساعتین قیمتی وار بو عالمین
عالم وصلدور هله خوشدی بو عالمون باجی
.
.
آغلاما یانما زینبیم دوزدی بلا دچاری سن
سن دوزه سن بلایه چون فاطمه یادگاری سن
سال یولا بو شکسته دل غصه لی شهریاری سن
قویما تموّج ایلسون دیدۀ پرنمون باجی
.
.
فکر ایلمه آخوب هدر قانی بو گون سپاهیمون
مقصد حقدى منتها آخری شاهراهیمون
واردی فروغی تا جهان واردی چراغ آهیمون
حشره کیمی دوامی وار دهرده نالمون باجی
.
.
گرچه آلوبدی فکریمی فکر حریم عصمتیم
خاصّه گل اوزلی قیزلارا چوخدی منیم محبّتیم
لیک قیزیم رقیّمه واردی بیر اوزگه الفتیم
نازینی چک غم ایلمه آرتا اگر غمون باجی
.
.
اوندا که اهل کین آچار سیزلره دست غارتی
یعنی بو چولده باشلانار آل على قیامتی
سن بلوسن بهشتده روحیمه وار اذیتی
جبراً آلینسا معجری نازلی رقیمون باجی
.
.
چون گوره جاقدی دشمنیم هر ستمین روا منه
منده موظّفم دؤزم جور و جفای دشمنه
قتلگهه گلنده سن گلمه فغان و شیونه
گورسن اگر کسوری وار صفحۀ سینمون باجی
.
.
خوندل اورکده مشکلون واردی اگر ویرور فشار
آغلا حسینه زینبه راه نجات اولاردیلار
بیرده دئ یاز بو مصرعی دلدہ کی عقده حل اولار
ساخلا گوزونده جان سنون جان بو رقّیمون باجی
.
.
.
#وداع #خوندل_تبریزی #حسینیه_وداع #حسینیه #ترکی #زبدةالاشعار
نظر دهید