وداع حضرت علی اکبر (ع)
زبانحال حضرت سکینه (س)
..
..
..
سبک ها
اصلی : #سبک_یا_فاطمه_من_عقده_دل_وا_نکردم
سایر :
#سبک_ای_درد_بی_درمانلارا …
و با اضافه کردن واگیر :
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
..
مرحوم مضطر اردبیلی
..
..
..
..
..
ساخلا قدم گیتمه علی بیرجه دایان دور
قوی بیر دولانوم باشوه قارداش آماندور
غربت مکاندا فرقت اماندور
لیلایه رحم ایت بی خانماندور
..
..
..
..
..
آردونجا گلم من علی هر یانه گیتسون
گوز یاشیمی دوندرّم الان قانه گیتسون
دوغرارلا بو گل جسموی میدانه گیتسون
قانه بویارلار زلفلرون گون تک عیاندور
..
..
..
..
..
گَتدون جلالیلن منی ملک عراقه
بحر وصالون گورمه میش سالما فراقه
باری دویونجان گل منی آل بیر قوجاقه
گفتار شیرینون منه آرام جاندور
..
..
..
..
..
آرامی سنسن گوگلومون شهزاده قارداش
نی تک باجون سنسیز گلر فریاده قارداش
لشکر دوروبدور قتلوه آماده قارداش
اللرده جمله خنجر و تیر و سناندور
..
..
..
..
..
اگلش یانیمدا کشف ایدوم راز نهانیم
قارداش علی هجرانیوه یوخدور توانیم
چخسون چخار بو خیمه ده واللهی جانیم
سنسیز منه مونس علی آه و فغاندور
..
..
..
..
..
دور بیرجه تقریر ایلیوم وار عرض حالیم
جوش ایلیور دریا کیمین دلده ملالیم
باخ گور نه رخساره آخار بو اشک آلیم
ایتمه مذمّت باجوی فرقت اماندور
..
..
..
..
..
ایتجک سکینه اول زمان بو سوزلری فاش
اکبر دایاندی گوزلریندن آخدی قانیاش
اولدی هم آغوش اول ایکی باجیلا قارداش
گویا ایکی قالب دیردون بیرجه جاندور
..
..
..
..
..
یازما داخی بو محنت جانسوزی «مضطر»
آتش دوتا قورخوم بودور هم خامه دفتر
ایله بو غملی مصرعی اوراد ازبر
ساخلا قدم گیتمه علی بیرجه دایان دور
..
..
..
..
..
ساخلا قدم گیتمه علی بیرجه دایان دور #اکبریه_مضطر_اردبیلی
نظر دهید