ساخلا مرکبین لجامین آل منی بابا قوجاقه #وداع_غمکش

زبانحال حضرت رقیه(ع)
در وداع امام حسین(ع)
..
..
..
مرحوم حاج عبداله رضایی (غمکش)
..
..
..
ساخلا مَرکبین لُجامین آل منی بابا قوجاقه
آلمارام اَله سو جامی قویمارام الیم دوداقه
..
..
..
..
جانوه قسم بابا جان یوخ سؤزوم سو باره سیندن
ائتمرم داخی گلایه قلبیمون شراره سیندن
گلموشم آلام تسلّی گؤزلرون نظاره سیندن
رحم ائله بو بی قراره بیر دَم آتدان اَن اشاقه
..
..
..
..
عزم کارزار ائدوبسن عاشقانه کربلاده
سن آت اوسته من دالونجان قاچموشام بابا پیاده
صبر ایله گلوم باباخان سال آنام بتولی یاده
یوخدی طاقتیم اورکده تا دؤزم غم فراقه
..
..
..
..
غملر ایلیوبدی بابا قلبیمی بو چؤلده خسته
قاردشیم ئولوب اماندی غملی دی بو دل شکسته
لطف ائدوب منی بو آخر لحظه ده بیر آل دیز اوسته
خیمه دن بورا دالونجان قاچموشام بو اشتیاقه
..
..
..
..
رحم ائدن منه بو یئرده اولماز آی بابا اماندی
تشنه لوق چیخوب یادیمدان محنت و غمیم گراندی
بو سولان ئوزه سر شکیم سیل تکٔ نه گؤر رواندی
شرح دردیمی یازوبدی گؤز یاشیم سولان یاناقه
..
..
..
..
قلبیمه بابا ملال و درد و غم دولوبدی گئتمه
گُل کیمین خزان چاقیندا صورتیم سولوبدی گئتمه
کیم بوگون گئدوب جهاده قانه غرق اولوبدی گئتمه
یوخ تحمّلوم اورکده مهربان بابا بو داغه
..
..
..
..
فرقتِ علی اکبر دؤندروب دلیم کبابه
اصغریم باتوبدی قانه نِسگیلی قالوب ربابه
دردیمی دئیوم کیمه بس دل دوشوبدی اضطرابه
کوفیان ترحّم ائتمز چونکی بیر یتیم اوشاقه
..
..
..
..
ایلورم نظاره اشکٔ تر گؤزومده بو سپاهه
ناله ایلرم دالونجان قیل نظر فغان و آهه
دوغرانوب عموم ابوالفضل گئتمه سن بو قتلگاهه
اُفّ اولا گؤروم بو قوم بی مروّت عراقه
..
..
..
..
بی کسم بلالی چؤلده نیلیوم بابا گئدورسن
ایلورم دالونجا آه و ناله و نوا گئدورسن
قانلی قتلگهده آخر اولماقا فدا گئدورسن
اهل کوفه نون وفا حرمتی بودی قوناقه
..
..
..
..
((غمکشین)) اورکده دردی بی شمار و جانگزادی
در گهونده عمری گئچمیش نوکروندی ، باوفادی
یا حسین عنایت ایله عشقی کوی کربلادی
لطفون اولماسا دوالر ایلمز اونا اِفاقه
..
.
..
#وداع #غمکش #حسینیه_غمکش #حسینیه_وداع #ترکی #زبدةالاشعار