در شام غریبان حضرت امیرالمومنین (ع)
..
..
..
..
#سبک_شهریاریمسن_آقا … #سبک_یارالی_جان_یارالی … #سبک_کربلا_منتظر_ماست …
..
..
محمدرضا صادقی
..
..
نئجه قان آغلاماسون زینب کبری بو گئجه
توکوری عارضه گوزیاشینی طاها بو گئجه
..
..
(( قاره باغلا بو گئجه ، سینه وی داغلا بو گئجه
قبریده آغلوری چون ، حضرت زهرا بو گئجه))
..
..
بو گئجه یاسه باتوب گویده مَلَک آغلیوری
اَنجم و مِهر و مَه و بَحر و سمک آغلیوری
مرتضا قانینه غلطاندی فَلَک آغلیوری
نئجه قان آغلاماسون زینب کبری بو گئجه
..
..
بو گئجه قاره چکوب عرشه اوزی ذات خدا
انبیالر بو گئجه آغلور ائدور آه و نوا
بو گئجه فاطمه جنتده سالوب باشه قرا
نئجه قان آغلاماسون زینب کبری بو گئجه
..
..
بو گئجه آغلور حسن سسلوری ایوای آتاجان
بیزی قویدون آتاسیز سسلور حسین اوغلی عیان
اُم کلثوم بو گئجه آغلور ائدور داد و فغان
نئجه قان آغلاماسون زینب کبری بو گئجه
..
..
بو گئجه یاسه باتوب شیعه اثنی عشری
وئردی تا یر گویه جبرئیل امین بو خبری
سجده ده قانه باتوب نُه فلکون مفتخری
نئجه قان آغلاماسون زینب کبری بو گئجه
..
..
بو گئجه صوتِ مناجات علی گلمیاجاق
سمعِ دنیایه داخی صوت جلی گلمیاجاق
مسجد و منبره بیرده مَثَلی گلمیاجاق
نئجه قان آغلاماسون زینب کبری بو گئجه
..
..
بو گئجه خاک نجف حیدره مسکن اولاجاق
آتاسی نوح قازان قبر اونا مدفن اولاجاق
عرش و فرش اهلی ائیشی بو گئجه شیون اولاجاق
نئجه قان آغلاماسون زینب کبری بو گئجه
..
..
عرش و فرش اهلی بوتون باشه قرا باغلیاجاق
جبرئیل اوخشیاجاق اهل سما آغلیاجاق
نار غمده بو گئجه شیعه اورک داغلیاجاق
نئجه قان آغلاماسون زینب کبری بو گئجه
..
..
ظلم ائدوب زادهء ملجم بو امامه عَلَنی
گوزی یاشلی ائلدی حشره کیمی مرد و زنی
قویدی باشسیز نئجه هر محفل و هر انجمنی
نئجه قان آغلاماسون زینب کبری بو گئجه
..
..
بو گئجه کوفه ده دوشدی یره دینون عَلَمی
غمی آغلاتدی یقین هم عربی هم عَجَمی
حشره تک گئتمیاجاق شیعه لرون درد و غمی
نئجه قان آغلاماسون زینب کبری بو گئجه
..
..
بو گئجه زاغ و زغن دینه خیانت ائلدی
صرصر ظلمیله بو گلشنی غارت ائلدی
سولدوروب گلشن طاهانی ، جسارت ائلدی
نئجه قان آغلاماسون زینب کبری بو گئجه
..
..
بو مصیبتده نئجه آغلوری زهرا بو گئجه
سنده توک عارضه گوزیاشیوی #شیدا بو گئجه
ایسته خلعت وئره بو شعریوه مولا بو گئجه
نئجه قان آغلاماسون زینب کبری بو گئجه
..
..
#حیدریه #محمدرضاصادقی
نظر دهید