زبدةالاشعار

ساقیاگلدیم امیدیله گینه میخانه وه #رضویه_صادقی_مراغه_ای

مدح حضرت امام رضا علیه السلام
.
✍️ زبدة الاشعار ✍️

🆔: @nohe_torki
.
صادقی مراغه ای
.
ساقیاگلدیم امیدیله گینه میخانه وه
ال منیم دامن سنون گوزتیکموشم پیمانه وه
.
سن کرم دریاسی سن منده قاپونداسائلم
قیل نظرای شاه عالم سائل کاشانه وه
.
گنبدون قمری لریندن گل حساب ایله منی
ائتمه مأیوس احتیاجیم واردی آب ودانه وه
.
شمع عشقیم سن طوافونده یانوب بال وپریم
گوزلرون قربانی بیرباخ اودلانان پروانه وه
.
کیم صفای مشهدون گورسه وریلمازمرویه
کعبه ی جاندورضریحون عاشق مستانه وه
.
پنجره پولادیوه بیرعمریدوردلبسته یم
عاشقم مولا قیزیل ایوانه سقّاخانه وه
.
آشنایه سهلدوربیگانیه وار رأفتون
ای علینون اوغلی قربان خصلت مردانه وه
.
یاعلی موسی الرضاعشقونده مجنون اولموشام
بیربرات کربلااحسان ائله دیوانه وه
.
سن عنایت ائتمسون «صادق» یازانماز مدحیوی
یابن زهرا خاکسارم درگه شاهانه وه

.
#رضویه_مدح
#ساقیا_گلدیم_امیدیله_گینه_میخانه_وه
#رضویه_صادقی_مراغه_ای
#ترکی
.
✍️ #زبدةالاشعار ✍️

🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...