میلادیه حضرت امام حسن مجتبی علیه السلام
#گریز به #حسنیه_شهادت و #کوچ_کربلا
.
.
مرحوم معزی اردبیلی
.
.
گون تک جمال مجتبی، دنیانی تابان ایلدی
پیغمبر اؤپدی صورتین شکر فراوان ایلدی
.
.
زیبا گل خیرالنّسا آئینۀ مهر و وفا
سبط رئیس انبیا فخرعلیّ المرتضی
دوتقون اولان قلبه صفا گوشوارۀ عرش خدا
گوگلرده قدرت صاحبی قدرت نمایان ایلدی
.
.
پانزده ماه صیام امّتلره گلدی امام
قدّوسیان ویردی پیام اولدی ملکلرشادکام
گوندردیلر یکسر سلام ، فخرایلیوب خیرالانام
عاشق سپاسین دمبدم تقدیم جانان ایلدی
.
.
مولای کلّ عالمه طاها مبارکدور دیدی
معناده ختم مرسله عیسی مبارکدور دیدی
صدّیقۀ کبرایه ده حورا مبارکدور دیدی
قدّوسیانی مجتبی شاد و خرامان ایلدی
.
.
اؤپسون مبارک اللرین اندی یره فوج ملک
زهرا گلستانینده چون آچمشدی بیر زیبا چیچک
مولود پاک و اطهره آماده اولدی آغ بلک
گل صورتی احبابینی رؤیتده حیران ایلدی
پرمهر اولان آغوشینه، آلدی رسول ذوالمنن
ویردی قولاقینه اذان شخصاً آدین قویدی حسن
ئوپدی یوزوندن دمبدم قلبین ولی دوتدی محن
آینده سین نوزادینون احبابه اعلان ایلدی
.
.
پیغمبر رحمت دیدی بیر گون بالام مظلوم اولار
زهری ویریلّر کوزه ده مظلوم حسن مسموم اولار
معناده یانام حالینه حالیم منیم مغموم اولار
گورّم قیزیم زهرانیده دشمن پریشان ایلدی
.
.
دل دوغرانار قان لخته سی طشت ایچره آغزیندان گلر
اعضاسی طاقتدن دوشر زیبا دوداقه جان گلر
دفنینده تابوت اوخلیا بیر عده بی ایمان گلر
مظلوم قلبین هر زمان ظُلّام شان شان ایلدی
.
.
اما حسینیم تک قوشون اطرافینی آلماز بونون
اخیامینه دشمنلری اوت وورسون آت سالماز بونون
اوچ گون قوم اوسته پیکر صد پاره سی قالماز بونون
قانلی منانین صحبتی گوز یاشیمی قان ایلدی
.
.
زینب گیدوردی کوفیه دوشدی یولی میدانیدن
عشقین مناسینده ایدوب رؤیت نچه قربانیدن
عرض ایتدی بیردن یاحسین دولموش سینون پیکانیدن
کیم سن کیمی جانانه جان دنیاده قربان ایلدی
.
.
قیلّام نظاره نعشووه آهیم اورک داغلار حسین
مظلومه قیزلار اشکینی گوزدن یوزه باغلار حسین
اوغلون گزر میدانیدن تاپماز رباب آغلار حسین
اصغر بوغازین حرمله آماج پیکان ایلدی
.
.
#حسنیه_میلادیه #حسنیه
#گون_تک_جمال_مجتبی_دنیانی_تابان_ایلدی
#معزی_اردبیلی
#ترکی
.
.
نظر دهید