ساقیا ایله کرم دور مى مینانى گتور #ساقی_نامه #قمری

ساقى نامه
.
#زبدةالاشعار
.
: @nohe_torki
.
مرحوم میرزا محمد تقی قمری دربندی
.
ساقیا ایله کرم دور مى مینانى گتور
قوى گوزوم اوسته قدم ساغر صهبانى گتور
.
لاله زار اولدى چمن یوز ویروب ایام بهار
جام زرین اله آل بادۀ حمرانى گتور
.
قیل عطا خضرم گلفام فرح بخش و زلال
لعل گون آب طرب راح مصفّانى گتور
.
قدحى ایله لبالب ویر ایچوم مستانه
بادۀ عشق جناب شه مردانى گتور
.
طوطى نطق گهرباریم آچوب درج دهان
بزم شاهانه قوروب مجلس عرفانى گتور
.
بادبان تک چکوب اوج فلکه فلک خیال
لنگر ایتمکلیگه آماده دى دریانى گتور
.
بال زرین گوتوروب اوچماقا شاهین مقال
دوره قالخماخلِق ایچون عالم بالانى گتور
.
رأیت طبعیم اولوب هر طرفه شقّه گشا
بیر دم اى طبع روان باشیمه سودانى گتور
.
صدف نظم تماماً یتوروب درّ یتیم
قیمتین بیلمگه صرّاف سخندانى گتور
.
بیرجه بو مجلسه اى ساقى فرخنده جمال
شعراى عجم و ترک بخارانى گتور
.
اولا گر ایله گذر مملکت شیروانه
نظمیده فرقۀ شاعرلره خاقانى گتور
.
سویله خاقانیه اى چین سخن خاقانى
ارمغان الده دوتوب نظم درافشانى گتور
.
عنصرى عالم ظلمات عناصرده گوز آچ
وادى ایمنه گل نور تجلانى گتور
.
قیل خبردار نوائى کیمى صاحب هنری
دئ تماشایه تمام افصح تورانى گتور
.
انورى نیر اعظم کیمى نظمیدى منیر
در نثار ایلمگه عقد ثریانى گتور
.
جام وحدتدن ایچن جام جم جامه دیون
آچماقا درج فصاحت در مرجانى گتور
.
سعدیا اسم سنون طالع مسعود منیم
برگ بى باردى بستان و گلستانى گتور
.
اى اولان حافظ کنز در شهوار غزل
یار معشوق ندور حورى و غلمانى گتور
.
اى نظامى دیمه چوخ خسرویله شیریندن
ایسته سون تخت بساط اوسته سلیمانى گتور
.
عار اولا قوۀ ادراکیوه اى قاآنى
سنده گل اوز دئدیگون هرزه و هذیانى گتور
.
چوخدا فخرایلمه اوز نظمیوه اى فردوسى
سِوه سن سوز یرینه لعل بداخشانى گتور
.
گل شجاعتله گیرک هر ایکمیز جنگاهه
معرض جنگه قدم قویماقا میدانى گتور
.
دورد آقاج خار مغیلان یتورن بقعه منیم
سن مقابلده یغوب ساحت دنیانى گتور
.
قابلیت هانى غبراده مقابل دوتاسان
گر غلط ایلمه سم عرش معلّانى گتور
.
لشگریم یتمیش ایکی تشنه دلاوردی منیم
سن اؤزون جمع قیلوب لشگر ایرانی گتور
.
من آچوم رزمیده بیر قانلو علم شقه سینى
علم کاو ندور مهر درخشانى گتور
.
واردى بیر مشک منیم صاف سویوم آب فرات
رود جیحون دیمه گچ قلزم عمانى گتور
.
من عقاب آدلو سمند اوسته قویوم زیور زین
سنده اوز رخشیویلن عرصه ده جولانى گتور
.
ذوالفقار آدلو قلج من چکرم دعواده
گاو سر گرزیله سن پور نریمانى گتور
.
منده بیر سینه سى دورت مین یارالى کوینک وار
سن تهمتن گیینن جوشن خفتانى گتور
.
بسدى بیر قانیله الوان اولان عمّامه منه
سن گیدوب مغفر فولاد مطلّانى گتور
.
من ال اوستنده گتورّم بیر اوشاق قونداقین
ایسته سون سن داخى قرص مه تابانى گتور
.
بیرجه شهزاده واریمدور طوى اطاقى قورولان
سنده کیخسرویلن تاج درافشانى گتور
.
چکرم عرصۀ جنگاهوه بیر تازه جوان
گور جمالین صورا گیت لالۀ حمرانى گتور
.
آرزو ایلمه هر بیتوه دینار طلا
من کیمى بیتوه بیر جنّت رضوانى گتور
.
حیف زحمت چکوبن باغلامسان شاهنامه
اوندا وصف ایله دیگون رستم داستانى گتور
.
کیمدى رستم نه فرامرز نه سهراب نه گیو
بلکه اسکندریلن بهمن و دارانى گتور
.
ندور اسکندر دارا نه سلاطین کیان
طور سینایه گیدوب حضرت موسانى گتور
.
یا یاپوش نوح اتگیندن او دگل فلک نجات
یا چخوب طارم چارمده کى عیسانى گتور
.
یا گزوب صفحۀ دنیانى دولان ایله سراق
مصردن تختیله اول یوسف کنعانى گتور
.
هاردا وار سنده منیم تک شرف جاه و جلال
شیوه نظمیده گیرم ید بیضانى گتور
.
غبن فاحش گتوروب ایلمیسن صرف کمال
اوزون انصاف ایله عقل اوسته بو دیوانی گتور
.
رهبریمدور ایکى دنیاده حسین ابن على
گر وارون اولسا سنونده بیله مولانى گتور
.
حشریده جام بلور الده دوتوب شیرخدا
بویورور تشنه دى چوخ قمرى نالانى گتور
.
.
#ساقی_نامه #قمری
#ساقیا_ایله_کرم_دور_مى_مینانى_گتور
#ترکی
.
#زبدةالاشعار
.
: @nohe_torki