حضرت علی اصغر علیه السلام
.
✍️ #زبدةالاشعار ✍️
.
🆔: @nohe_torki
.
مرحوم تقایی اردبیلی
.
ای ملک بقا باللّهون عزتلی امیری
احیا ایلدون قدرتیلن قدر قدیری
.
اصغر قانی تدوین ایلدی عشق کتابین
شش ماهه ویروب اخذ ایلدون خیر کثیری
.
کوثر قوشی طوبا خولینی ایلدی ماوا
گرچه بوغازین پارچالیوب حرمله تیری
.
یازدیردی آدین مکتبینه خضر معمّر
بو طفلیدی عشق عالمینون پیر خبیری
.
قانیله یازوب عشقه بالون قانلی قصیده
مظلوم قانی مهر ایلدی دیوان کبیری
.
بو قاندی یازان حقدی علی دامن عرشه
اثبات ایلدی عالمه جربان قدیری
.
بو قانیله سیراب ایلدون گلشن دینی
بو قانیله جنت ایلدون خشک کویری
.
بو قاندی ایدن دین حقی دهریده زنده
بو قاندی ییخان ظلم ایلیه ن شاهیله میری
.
کوثر سویونا ناز ایلیور بو قوزی قربان
اولموشدی اگرچه صود اسیری سو اسیری
.
الآن وورولوب سر در جنتده بو غنچه
اولماز سارالان غنچه ون همتا و نظیری
.
گولدی اوخا الاندا گولش وار دوداقیندا
مسروریدی ماواسی اولوب عشق سریری
.
جنتده آنون فاطمه آغوشینه آلدی
مانوسیدی محسنله بو گون عشق سفیری
.
جدّون اونی گوردی یارالی ایلدی ناله
آغلاتدی بونون حالی بشیرا و نذیری
.
حوریلر او شش ماهیه لایلای چالور ایندی
بستردی اونا جنت الاعلانون حریری
.
مریم ائلیور بوسه لب لعل وشیندن
هاجر آلور آغوشه او پاکیزه ضمیری
.
گیت خیمیه میدانیده آواره دولانما
طّی ایله که آساندی سنه عشق مسیری
.
دفت ایت بالاوی مطلبی روشن ده ربابه
عباسیله همپایه اولوب طفل صغیری
.
جانان سسینی آلدی حسین خیمیه گلدی
تا شوقیله اجرا ایلیه امر خطیری
.
گون خیمه سرایه یتیشوب اولدوز الینده
پیشواز ایلدی زینب او غمدیده امیری
.
سسلندی حسین جان قوزی قربانووه قربان
غم چکمه سووندورمه بو اشرار شریری
.
ویر عمه سی آغوشه آلوب لبلرین ئوپسون
قاز قبرینی تا دفن ایلیک عشق شهیری
.
اولما نگران غملی ربابون طرفیندن
اصغر آناسین حق ایلیوب عشق بصیری
.
مین اوغلی اگر ئولسه اوتاندیرماز حسینی
قویماز او دل افسرده اولا غمزده پیری
.
بیر خرداجا قبر آچدی غرض شاه شهیدان
تا دفن اولا برج شرفون ماه منیری
.
ئوپدی بوغازیندان بالانی قویدی مزاره
غم سالدی حصاره اونی یاد ایتدی مجیری
.
یارب دیدی قوچلار قوتاراندا قوزی ویردیم
دین حقون اولدی قوزی قرباندا نصیری
.
گلمور ئورگیم قبرینه تپراق توکم الله
بو باره ده یوخ عاشقوون یار و مشیری
.
اما توکورم اوستونه تپراق سنه خاطر
دفن ایلیورم ایندی بو جانباز دلیری
.
سنده بونا خاطر دوز عزاداری باغشلا
ویر بیع و شراده منیچون نفع کثیری
.
یا رب سن اوزون ایله توجه که “تقایی”
طی ایلیه تا وار نفسی عشق مسیری
.
.
#اصغریه_شهادت
#ای_ملک_بقا_باللهون_عزتلی_امیری
#ترکی
.
✍️ #زبدةالاشعار ✍️
.
🆔: @nohe_torki
نظر دهید