ساقیا بل ندور منه منظور #حیدریه_قدسی_قفقازی

روزه گرفتن حضرت علی و حضرت فاطمه و حسنین علیهم السلام
.
.
.
مرحوم قدسی بادکوبه ای
.
ساقیا بل ندور منه منظور
جامی دولدور گتور شراب طهور
.
ایلدی خلقی مست بادۀ ناب
وئردی جان اهل ذوقه لعل مذاب
.
مادۀ مهرون ایلدی تا جوش
خُم گردونه سالدی بانگ خروش
.
محفل آسمان آلوب زیور
ساقی چرخ دوتدی جام قمر
.
اختران ثوابت و سیار
ایتدیلر نوش بادۂ گلنار
.
بادۀ وحدت ایلدی تاثیر
مست اولوب گلدی چرخه مهر منیر
.
اودی باعث که دوتمویور آرام
گزر افلاکی تا بروز قیام
.
منه لازم دگل حمیده سرشت
حور و غلمان و قصر باغ بهشت
.
نسار هاجرونده شعلۀ سجّین
بزم وصلوندی باغ علّیین
.
ای قدی سرو عارضی گلنار
چشم مستون منی ایدوب بیمار
.
رحم قیل عاشقه سنی تاری
بیر نگاه ایله چاره قیل باری
.
گل گینه ماه بزم، دیداره
قالمشام ظلمت ایچره آواره
.
وصلدن چوخ زماندی مهجورم
چاره قیل ای طبیب رنجورم
.
محرمان محافل اسرار
صیرفان جواهر اخبار
.
رفع ایدوب چهره دن نقاب حجاب
رشتۀ نظمه چکدی گوهر ناب
.
ماه و خورشید مشرق حرمین
بیر گوئی ناخوش اولدولار حسنین
.
سولدولار غنچه تک ایکی نوگل
دوشدی شور و ترانه دن بلبل
.
فاطمه چکدی آه آتشبار
ایتدی گلبرگنه گلاب نثار
.
باغبان ریاض وحدت حق
خازن بی نیاز رحمت حق
.
شمع پر نور بزم اهل نیاز
آفتاب سپهر عرش حجاز
.
اولدی آگاه احمد مختار
که حسین و حسن اولوب بیمار
.
عزم قیلدی عیادته شه دین
برج زهرایه گلدی نور یقین
.
آلدی آغوشه مهر انورینی
مهر تابان و ماه اظهرینی
.
شرقدن چکدی آه آتشبار
توکدی رخساره ثابت و سیار
.
دوتدی یوز عرشه آفتاب یقین
بیله عرض ایلدی رسول مبین
.
.
قویما خزانِ غم یته گلزاره ای خدا
رحم ایله حال فاطمۀ زاره ای خدا
.
ئولدی آناسی یاسلدی بو باغریقان قیزیم
واردور باشیندا فاطمه نون قاره ای خدا
.
گوزلر آناسنون یولونی صبح و شاملر
گلمز خدیجه محفل دیداره ای خدا
.
رنجور و خوار بندہ لرون آه و زارنه
سندن سوای کیمدی ایدن چاره ای خدا
.
بو ایکی طفلیلن ایلیور شاد قلبنی
هر دم گلور ترنّم گفتاره ای خدا
.
قویما بو آفتابیمی پروین دیده دن
توکسون مه جمالنه سیّاره ای خدا
.
قورخوم اودور که یاندورا چرخون نجومنی
گر اذن ویرسه آه شررباره ای خدا
.
گلدی خیالیمه بو حسینون شهادتی
تیغلیه جسمنه دَیَه جک یاره ای خدا
.
بلبل کیمی فغانه گلور اهلبیت زار
گل تک ایده لّه جسمنی صد پاره ای خدا
.
اوچ گون گیجه یر اوسته قالان وقته نعشی عور
رحم ایله حال زینب افکاره ای خدا
.
.
.
ایتدی یکتایه عرض حاجاتین
پس تمام ایلدی مناجاتین
.
بیر نگاهیله آفتاب الاه
قَمَری سیردن ایدوب آگاه
.
دیدی شیر خداسه پیغمبر
ایله بیر نذر، ساقی کوثر
.
منه ظاهردی سرور حرمین
تیزلقیلا، شفا تاپار حسنین
.
دیدی نذر ایلدیم، رسول کبار
گر شفا تاپسالار ایکی بیمار
.
دوتارام روزه اوچ گون ای سرور
ایدرم شکر خالق اکبر
.
چونکه نذر ایتدی سرور دوسرا
اقتدا قیلدی حیدره زهرا
.
فضه ده، نقد قلبی خاصّ ایلدی
قال اخلاصده خلاص ایلدی
.
آفتاب عنایت ایتدی ظهور
گیدی صحّت لباسنی رنجور
.
یندی فصل بهار رحمت حق
تاگدی گلزار تازه دن رونق
.
عاشقه جلوه لندی چون محبوب
اولدی نذر اهلینه آداسی وجوب
.
.
.
ایدوبدی نیّت روزه تمام اهل حرم
که گوردی یوخدی طعام ایوده سرور عالم
.
فراز کنگرۀ عرشه سالدی آهی کمند
که باخدی زهرۀ زهرایه شاه غیرتمند
.
بلر نه نوع بلادور، غیور اولان بنده
عیالدن اولا بیر شخص ایوده شرمنده
.
قلمده یوخدی جسارت اونی ایده تحریر
نه حاله دوشدی اودم پادشاه خیبر گیر
.
که چیخدی برج شرفدن او آفتاب جلال
خجالتندن اولوب قامتی مثال هلال
.
که چکدی آه شرربار عین مشرق حق
گوروندی عرش جبیننده اختران عرق
.
یتشدی ظلمت شمعونه نیّر اعظم
بو نوع مطلبین اظهار ایتدی بدر امم
.
واروندی میلون اگر پشم ایتمگه پرتاب
که ویر گلن اَگیره فاطمه بچشم پر آب
.
یهود دن آلوب اوچ صاع جو، شه مردان
گتوردی فاطمیه ویردی سرور دوران
.
بیر حصه سین الکه چون چکوب اونون زهرا
کمال ذوق و سروریله مهر عرش آرا
.
که حاضر ایلدی بش قرص نان بدر أمم
اونیله ایلیه افطار او گونده اهل حرم
.
نماز شامی چو خورشید دین ایتدی ادا
یغیلدی سفره نون اطرافنه نجوم هُدا
.
طعامی ایستدی میل ایلسون امام کبار
یتشدی گوشنه ناگه صدای سائل زار
.
سلام اولا سیزه ای اهل بیت پیغمبر
کریم درگهنه گلدی سائل مضطر
.
اولوبدی خلق جهانه بوباب باب الله
هارا گیدوم داخی یوخدور من ذلیله پناه
.
یوخومدی تاب و توان گوز یاشیم اولوب جاری
ویرون بو مضطره بیر قرص نان سیزی تاری
.
تضرّعیله ادا ایتدی عرضنی سائل
دوروب ایاقه یریندن علیِّ دریادل
.
که قویمادی اونی بیرده بلند ایده سسینی
آپاردی وئردی فقیره علی اوز حصّه سینی
.
ایدوبدی فاطمه هم پیروی او سالاره
آپاردی قسمتینی ویردی سائل زاره
.
ایدوبدی فاطمیه اقتدا حسین و حسن
فقیری ایلدیلر شاد بلبلان چمن
.
اولان او مهر ولایتده شاه دینه عزیز
که اقتدا ایلدی اهلبیته، فضّه کنیز
.
سوئیله ایلدی افطار پادشاه زمن
جناب فاطمه هم فضّه و حسین و حسن
.
ایدوبله حاصلی چونکه رضای سبحانی
عبادت اولدی اولاره غذای روحانی
.
صباح أولاندا چکوب آسیاب قطب مبین
که حاضر ایلدی بش قرص نان، زهره دین
.
نماز ایلدیلر چون تمام اهل حرم
یغلدی خوان سپهره نجوم و بدر امم
.
هنوز میل طعام ایتمه مشدی سرور دین
یتشدی گوشنه ناگه صدای زار و حزین
.
سلام اولا سیزه ای اختران برج وفا
سلام اولا سیزه ای گوهران درج صفا
.
یتیم و بیکس و زارم سولوبدی گلزاریم
شهید اولوبدی آتام یوخدی بیر پرستاریم
.
مهاجر اوغلیم ای اهل بیت پیغمبر
غریب و بیکس و زارم یوخومدی بیر یاور
.
فدا اولوم سیزه من دردیمه ایدون چاره
آجام بو درگهه گلدیم ملول و آواره
.
یتیم آدین ایشیدن وقته حیدر صفدر
کسیلدی قوّت و آرامی توکدی اشک بصر
.
که قویمادی ایده ناله دوباره طفل یتیم
آپاردی حصّه سینی ایلدی اونا تسلیم
.
چکوبدی باشنه ال لطفیلن امام انام
ویروب تسلّی یتیمه او سرور ایام
.
دوباره فاطمه و فضّه و حسین و حسن
یتیمی ایلدیلر شاد بلبلان چمن
.
ایکی گیجه گونوز آج قالدی اهلبیت رسول
هلال تک سارالوب اختران برج بتول
.
که چکدی چرخ کیمی، آسیاب، زهرۀ دین
اوچومجی گون گینه آماده قیلدی قرص جوین
.
هلال تک اگیلوب ضعفدن قد و قامت
قیام ایتمگه قالموبدی جسمده طاقت
.
نمازی چونکه تمام ایتدی شهریار أمم
یغلدی سفره نون اطرافنه عیال و حرم
.
که ایستدی ییه بیر لقمه شاه غیرتمند
بو نوع صوت حزین اولدی آسمانه بلند
.
.
.
سلام اولسون سیزه ای آل اطهار
گلوب باب کریمه سائل زار
.
منه رحم ایلیون یوخدی پناهیم
چخار هر دم سمایه دود آهیم
.
غریب و بینوا و دستگیرم
نیازیم واردی احسانه اسیرم
.
ایده هر کس منه لطف و عنایت
اونا وئرسون خدا عقباده جنت
.
اسیر آدین ایشتدی شاه مردان
اوزی آج قالدی ویردی سائله نان
.
گوروبلر لطفی چون شاه امم ده
اولوبدی پیروی اهل حرمده
.
/// #گریز به مصائب شهادت امام حسین (ع) و حالات حضرت رقیه در خرابه شام///
.
دیولّه شیعه لرون، فاطمه، بحالت زار
که راضی اولمادون اوغلون حسین اولا بیمار
.
هایاندا قالموشدون، آفتاب عرش آرا
که کربلاده اولان وقته روز عاشورا
.
که دگدی سینه سینه مین یوز الی بیر یاره
او یرده کاش ایدیدون حسینه بیر چاره
.
که اولدی قاننه غلطان تاپولمادی کفنی
یراسته قالدی اونون اوچ گون اوچ گیجه بدنی
.
نجه دیوم شه مردانه من ملول و فقیر
آپاردی قیزلاریوی شامه شمر دون، اسیر
.
خرابه ده ایلدی اهلبیت زار، مقام
وئریلمدی اولارا فرش و رختخواب و طعام
.
رقیه سویلدی اولدم أی عمّۀ دلگیر
که ایمدی جان ویرورم بوینومی کسوب زنجیر
.
دوباره قویما گتورسون بویاره، زاره منی
الونله قویگلن عمّه اوزون مزاره منی
.
بو گلعذاریمه جاری اولوبدی گوز یاشیم
قیتمدی بو سفردن مه بنی هاشم
.
اگر گله بوسفردن شبیه پیغمبر
مزاریم اوستونه گلسون جوان علی اکبر
.
گیدوبدی کرببلایه شه حجاز عمّه
جنازم اوسته گلوب کیم قیلار نماز عمّه
.
اوزوم غریب و یتیم و اسیر و زار عمّه
خرابه ده قالو نعشیم بو گونده خوار عمّه
.
مدینیه گیده جکسوز یقین بسوز و گداز
مزاریم أوستنه ای عمه جان گلن اولماز
.
بو یرده من قالارام خیل زایره محتاج
گلور زیارتیمه ایلده عدّه ای حجاج
.
دیدی رقیّیه زینب بآه غالم سوز
حسین یتیمنى من قویمارام قالا یالقوز
.
دیار شامده رخت اقامتی سالارام
قیام ایدونجه قیامت یانندا من قالارام
.
.
///ادامه متن اصلی///
.
اودم ایلدی امر رب جلیل
آپار هل اتی سوره سین، جبرئیل
.
اوخی سن بو آیاتی پیغمبره
اولا مدح تا ساقی کوثره
.
جهان اهلنه رهنمادور على
که نور زمین و سمادور علی
.
که سن عرش اکبر سن ای مصطفا
او عرش اوسته شمس الضحادور على
.
ایکی لفظ دور لیک معناده بیر
على مصطفی، مصطفادور على
.
ایدوب جلوه ذاتنده مهر صفات
که آئینۀ حق نمادور علی
.
قلج یوخدی عالمده چون ذوالفقار
بلی رزمده لأفتادور علی
.
یدالله مغلول اولماز یقین
مهالکده مشگل گشادور علی
.
ولی هرنه تقدیر ایتسه قضا
رضای حقه چون رضادور على
.
قویوب باشینه افسر هل اتی
جهاندا شهِ اولیادور على
.
اولوب گلشن (قدسی) دایم بهار
او گلزاره عین صفادور علی
.
.
#حیدریه_قدسی_قفقازی
#حیدریه_مدح #هل_اتی #قدسی_قفقازی
#ساقیا_بل_ندور_منه_منظور
#ترکی
.
.