اماندور ای عمو میدانه تئز گل #قاسمیه_احمدیان_خسروشاهی

استمدادجناب قاسم
سوال و جواب
زبانحال حضرت قاسم(ع)
#اماندور_ای_عمو_میدانه_تئز_گل
جواب امام حسین (ع)
#اوغول_گلدیم_اویان_شهزاده_قاسم
.
.
حاج اصغر احمدیان خسروشاهی
.
.
اماندور ای عمو میدانه تئز گل
بویاندی پیکریم آلقانه تئز گل
.
.
آلوب اطرافیمی بو قوم عدوان
وورولّار هر طرفدن زخم پیکان
وجودیم قوملار اوسته اولدی شان شان
اماندور ای عمو میدانه تئز گل
.
.
یارالی آهو تک من زخمدارم
نئچه بی رحم صیاده شکارم
قالوب یولدا گوزوم گل انتظارم
آماندور ای عمو میدانه تئز گل
.
.
منی قویمور گلیم لشکر خیامه
سالوبلار آهو تک ظلمیله دامه
دونوبدور گوندوزوم بو چولده شامه
آماندور ای عمو میدانه تئز گل
.
.
یتیبدور اوج عرشه دود آهیم
یتیش فریادیمه، یوخدور پناهیم
منیم سنسن عمو امیدگاهیم
آماندور ای عمو میدانه تئز گل
.
.
بو اهل کوفه نین چوخدور جفاسی
وورولّار نیزه و خنجر یاراسی
دئموللر آغلوری بی کس آناسی
آماندور ای عمو میدانه تئز گل
.
.
ستمله دوره می بو لشکر آلدى
ووروب سانسیز یارا بو حاله سالدى
وجودیم آت آیاقی آلتدا قالدى
آماندور ای عمو میدانه تئز گل
.
.
یتیش فریادیمه ای مهربانیم
یارام چوخدور بدنده یوخ توانیم
گلن یولّاریوا قرباندی جانیم
آماندور ای عمو میدانه تئز گل
.
.
یتیمم، بی کسم، تیره نشانم
شکسته دل آتاسیز بیر جوانم
سنه اوغلون کیمی من مهربانم
آماندور ای عمو میدانه تئز گل
.
.
یاز اوخشا «احمدیان» بو جوانی
پوزوب جنّتده بو غم مجتبانی
بیان ائت بیرده بو ورد زبانی
آماندور ای عمو میدانه تئز گل
.
.
.

#قاسمیه #احمدیان_خسروشاهی #قاسمیه_شهادت #ترکی #زبدةالاشعار