حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
اکبر غفاری زنجانی
.
سالا آز قالدی سوسوزلوق سنی طاقتدن على
ئولورم من سنه باخدوقجا خجالتدن على
.
.
سو آخور دشت و بیابانه فراواندی اوغول
اونی تحصیل ائلمک هر نه دن آساندی اوغول
ولی بو چولده سووا قیمت اولان جاندی اوغول
بیر نفر یوخ سوروشا اهل شقاوتدن على
.
.
سو یولون باغلاموسوز بس نه دن ای قوم ظلام
هانسی مذهبده مگر واردی بو رسم و بو مرام
میزبان سو ایچه امّا ائده مهمانه حرام
بو نه بدعتدی دیین یوخ بو جماعتدن على
.
.
تشنه لیک دردینه یوخ چاره یولی منده بالا
گوروم اولسون بو جفا اهلینی شرمنده بالا
نه صودوم وار نه سویوم وار نه رمق سنده بالا
قالموسان گور نه حالا دست خیانتدن على
.
.
بالا آهو کیمی حقّیمدی غمونده مَلیَم
اشک محنت یوزه غربال گوزومدن اَلیَم
قوریان لبلریوی گوز یاشیمیلا بَلیَم
دوشمیه غنچه لبون بلکه طراوتدن على
.
.
کیم بو ظلم اهلی کیمی ساخلیوب عطشان قوناقین
بو قدر تشنه لیگه طاقتی اولماز اوشاقین
سوسوزوندان قوریوب تخته کیمی دل دوداقین
غصّه مرگ اولماقا حقّیمدی بو حالتدن على
.
.
بیلمورم یازی یازان یازدی نیه بیله یازون
آلتی آی یازدی چکم آی بالا چوللرده نازون
دوندره فصل خزانه بو جفا اهلی یازون
آچماموش غنچه سولا فرط حرارتدن على
.
.
آغلاما آغلاما اوغلوم ننه قربان گوزوه
منِ غم دیدییه رحم ایله و یا که اوزوه
الله عالمدی بو احوالوه هم دل سؤزوه
انتقام السون اؤزی اهل عداوتدن على
.
.
چکرم نازیوی لایلای دییرم تا یاتاسان
بلکه سو فکرینی صود فکرینی باشدان آتاسان
آز بو خونِ دلیمی اشک غمیله قاتاسان
سالمیان بلکه حیاتیمی حلاوتدن على
.
.
درد و غمدن یری وار بو اورگیم قانه دونه
گوزلریمده بو جهان وار یری زندانه دونه
گوز یاشیم گوزده على بارش نیسانه دونه
دوداقون ایسلانا بو اشک لطافتدن علی
.
.
صله امّیدینه نوحه سنه غفاری یازار
غرق دریای گنه دور بونی تکراری یازار
چونکه مجرمدی یوزه اشگین ائدر جاری یازار
بیم و وحشت واریدی روز قیامتدن على
.
.
#اصغریه_غفاری_زنجانی
#اصغریه_شهادت
#سالا_آز_قالدی_سوسوزلوق_سنی_طاقتدن_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید