زبدةالاشعار

سالما سایه شهپرونله چکمه زحمت جبرئیل #حسینیه_علومی_تبریزی

زبانحال امام به جبرئیل
.
.
#سبک_زینبم_جان_اوستیم … 4 سبک
.
.
علومی تبریزی
.
.
سالما سایه شهپرونله چکمه زحمت جبرئیل
گون ایونده جان ویرم راحتدی راحت جبرئیل
.
.
چوخ رضایم گون دگوب قانیم سوتک آخسون یره
قانیمی قاتل لریم مین تیریله یاخسون یره
گیت خبر ویر عرش اعلادن بابام باخسون یره
ایله سین اوز عهدیمی تصدیق او حضرت جبرئیل
.
.
چکمه زحمت قوی یارالی جسمیم اولسون لاله زار
یاره لردن قان آچیلسون بیحد آخسون چشمه سار
جان ندور جانان یولوندا قوی اولا قانیم نثار
دمبدم اشرار ایده ظلمینده شدّت جبرئیل
.
.
عاشق صادق منم بو یر مکانیمدور منیم
دستماز آلماخلقا سو ایسّی قانیمدور منیم
نیزه لر اوخلار قلجلار سایبانیمدور منیم
ائتمرم بیر کیمسه دن هرگز شکایت جبرئیل
.
.
ایسته سن خشنود اولا سندن بو زار و خونجگر
گیت منیم بو حالیمی زهرا آناما ویر خبر
باشیم اوسته بیر گلوب احوالیمه ایتسون نظر
گورسون اوز دلبندینی اول مام عصمت جبرئیل
.
.
سالماقا سایه علاقن وار بو مضطر نعشینه
اولماسان مأیوس آز باخ بو مکدّر نعشینه
شهپرون گیت حایل ایله اوغلوم اکبر نعشینه
باش ویره سندن بو گون طاهایه خدمت جبرئیل
.
.
مومن و کافر ئولن ساعت آتام شیر خدا
باشی اوسته مطلقا حاضر اولار اول باوفا
ویر خبر گلسون اودا گورسون بو چولده بر ملا
اوغلی نه نوعی تاپور فیض شهادت جبرئیل
.
.
روز و شب آغلار علومی محنتیمده بی قرار
ابر باران تک یوزه گوز یاشینی ایلر نثار
منده محشرده اونا قیلّام کرامت آشکار
هر گناه ایتسه اوگون قیلّام شفاعت جبرئیل
.
.
#حسینیه #علومی_تبریزی
#حسینیه_شهادت #جبرائیل_در_قتلگاه
#سالما_سایه_شهپرونله_چکمه_زحمت_جبرئیل
#ترکی
#زبدةالاشعار

متن پیشنهادی:  ترک ایدورشهزاده اوغلون یاره لی یورقون جهانی #اکبریه_مبکی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی