اولین مومنه
.
.
.
منتظری شریف آباد
.
سالوب ابر بلا سایه عزادار ائتدی زهرانی
احاطه ایلدی محنت مبارک قلب طاهانی
.
خدیجه بانوی عصمت زن آگاه و باتقوا
وفا اُسوه حیا معدن صداقت پیشه رَوحانی
.
شهیره وَقر و ثروتده شرافتده فضیلتده
کیاستده دراستده یگانه معرفت کانی
.
عرب ایچره نمونه طرز فکر اقتصادیسی
نبوغ اجتماعیده همیشه نقشی عقلانی
.
مسیحیّت گوزونده احترامی لازم الاجرا
یهودیّت مرایمنده وقاری غیرکتمانی
.
حسبده واحده تنها نسبده فاخره یکتا
اصالتده قَصیّ اِبن کلابون نورچشمانی
.
وجودی دائماً روحیّه بخش حضرت احمد
سخا و ثروتی ترویج ائدن احکام قرآنی
.
فدا ایثارنه یوخدور نظیری طول خلقتده
مسیر استقامتده هامی مایملکی فانی
.
فشارو زحمته شِعب ابیطالبده صبر ا ئتدی
شجاعتده جلالتده اوجالتدی راس نسوانی
.
بیله حریّته احسن وفا و همّته احسن
کمال و حسن تدبیری قویوب حیرتده انسانی
.
گئچوب اوچ یا اوتوز بش گون ابیطالب وفاتیندن
زمان قان آغلادی یاندوردی محنت کون وامکانی
.
باتوب یاسه رسول الله سُوُندی دشمن قرآن
اوساعت که خدیجه ترک قیلدی دارِ دنیانی
.
وفالی همسری گیتدی قوی همسنگری گئتدی
چراغ محفلی سُوندی آلوشدی قلب سوزانی
.
ایله مشگل زمان اولماز ایله بیکس قالان اولماز
ملال و محنتی بیحد قَسیُّ القلب عدوانی
.
ایدوب کهنه عباسینی کفن اُلفتلی یارینه
قویوب آغلار گوزیله قبره اول بانوی عظمانی
.
اوگونده بش یاشوندیدی یگانه دختر طاها
شروع اولدی بلایاسی اوجالدی عرشه افغانی
.
بیر ایل باهم بتولیله عزا دوتدی رسول الله
حصار غصّه و غمده ایکیسی اولدی زندانی
.
پیمبردن آلوب زهرا اوگون بیت الحزَن درسین
بنا اولدی بکاسی باشلانوب محنتلی دورانی
.
گئچوب ایللر گلوب بیرگون علی خانه نشین اولدی
ورق دوندی چئخوب یاددان غدیرون عهد وپیمانی
.
درو دیوار آراسوندا خانم سقط جنین ائتدی
دمِ مسمارِله سینه یارالاندی آخوب قانی
.
جفادن عزّتی گئتدی حریم حرمتی سندی
ائدوب جرئت ئوزینه وردی سیلی بیحیا ثانی
.
ئولونجه منتظر سعی ایت قلم دفتردن ال چکمه
یازوب نشر ایله دنیاده مرامِ اوّل ایمانی
.
#سالوب_ابر_بلا_سایه_عزادار_ائتدی_زهرانی
#ترکی #زبدةالاشعار #حضرت_خدیجه #منتظری
.
.
نظر دهید