سالوب زمانه سنی چوخ فشاره فاطمه جان #فاطمیه_غفاری_زنجانی

زبانحال حضرت علی (ع) بر مزار حضرت زهرا (ع)
..
..
غفاری زنجانی
..
..
سالوب زمانه سنی چوخ فشاره فاطمه جان
تاپانمادیم سنیچون منده چاره فاطمه جان
..
بابان پیمبرون حقّینده ظلم ایدوب امّت
خیانت ایلدیلر یادگاره فاطمه جان
..
تسلّی ویرمدیلر داغداره اهل جفا
قاپوا وردیلا گوردوم شراره فاطمه جان
..
پیمبرون قیزینی وردی امّتی ئوز ایوینده
جسارت اولدی سنه آشکاره فاطمه جان
..
ال آچمادوم او گروه ظلامه طبق وصیت
تاپوبدی فرصت اولاردا دوباره فاطمه جان
..
مصیبتون سالارام یاده سینه داغلیارام
نفسیم ایستوری دوشسون شماره فاطمه جان
..
آز عمر ایدوب ولی داغلار بویوندا غم چکدون
چوخ اوخشیوب گونوزون لیل تاره فاطمه جان
..
اولوبدی گوز داغی زهرا منه یانان قاپوموز
باخوم نجه قاپودا میسماره فاطمه جان
..
عمو قیزی سنی اینجیتدی محنت ایّام
اسیردون محن روز گاه فاطمه جان
..
قالانمام ابوده که بیت الحزانه دوندی ایویم
دوروب گنه گلورم بو دیاره فاطمه جان
..
بو رسمدور بیری ویرسه عزیزینی الدن
گللّه تسلیته داغداره فاطمه جان
..
ولی بورسمه عمل ایتمدی مدینه لیلر
تسلّی ویرمدیلر غمگساره فاطمه جان
..
دیدیم بالالاریوا آچدیلار عزا قاپوسون
گلن کم اولدی او گون سوگواره فاطمه جان
..
دیدیم بالا قاپونی باغلیون تک آغلاشاقون
بالالارونلا على گلدى زاره فاطمه جان
..
..
..
گوزوی آچ نجه گور قیزلارین قالوب گریان
هانی بالالاروین زلفنی یووب داریان
..
..
..
گلوندن آیری دوشن بلبلون مصیبتی وار
اورکدہ درد و محن گوزده اشک حسرتی وار
..
سولوبدی گل کیمی قیزلار حسینیله حسنون
سولان گله او حزین بلبله شباهتی وار
..
منیم امیدیمیدون گیتدی خوش گونوم سنیله
که سنسیز عمرمون آخر منه نه لذّتی وار
..
بو غصّه دن یانورام یوخدی قارداشون زهرا
مزارون اوسته گلوب آغلاسا نه قیمتی وار
..
کنیزلرون گوتورور باش گیدور بیابانه
یریوی خالی گورنموله واضح علتی وار
..
فراقیوه دوزه هر کس بو امر مشکلدور
فقط علیدی دوزور صبری واردی همّتی وار
..
غریب اولدون حیاتینده هم مماتینده
بو قبر گیزلینیوین دردناک صحبتی وار
..
اوقدر پستیدی دشمنلرون سنون زهرا
که نبش قبر ایده لر اونلارون بو نیتی وار
..
اودور بو قبری نهان ایتموشم تانونمیاجاق
نقدر مهدی بالام گلمیوبدی غیبتی وار
..
گلوب نشان ویرجک قبریوی احبّایه
زیارته اولارون آرزوی کثرتی وار
..
آنان مزارینی گل کشف ایله امام زمان
بو قدرغیبتیوین آخری نه حکمتی وار
..
هاچان گلوب آلاسان انتقام زهرانی
شقی جماعتون آیا نقدری فرصتی وار
..
نه باعثیدی یوزون گیزلدردی زینبدن
ئوزون بلورسن آقا بو سوزون حقیقتی وار
..
باغشلا یابن الحسن قوی دیوم اورک سوزومی
او مه جماله داخی سیلینون نه نسبتی وار
..
..
#فاطمیه #غفاری_زنجانی #فاطمیه_شهادت #ترکی #زبدةالاشعار