یا علی توصیفووه الکندی دیل چالاک لر #حیدریه_محمد_وهابزاده

قطره ای از وصف بی انتهای آیت الله المعظم حضرت علی علیه السلام
..
..
محمد وهابزاده(عیّار اردبیلی)
..
..
یا علی توصیفووه اَلکندی دیل چالاک لر
بو مقام اوستونده دوشدی لنگه چوخ اِدراک لر
..
سَطوتون کابوس دشمن، قدرتِ عشقون ولی
دوندروب ترسولَری ایلر بوتون بی باک لر
..
ای گزَن مستانه لیک بی حدّ و بی اندازه سین
چلّه دوت میخانۀ حیدر ده ائت اِمساک لر
..
ای ائدن دیوانه خانه عالَم فرزانه نی
اولموش عارف لر سنه یکسر گریبان چاک لَر
..
غمزه سات مجنونلارا قالب تُهی گور عالَمی
غمزه دن انسان نَدی خمّار اولوبدور تاک لر
..
یا علی یا هو دئدیم داغلار منه اخطار ایدوب
عشقیدن گوردوم اولوب کافر هامی پژواک لر
..
وار کیمون قلبینده بغضِ حیدری کافر دِئنن
عشق حیدردن عیاندی نطفه های پاک لر
..
بو گوزل آد اولدی زینت ثلث و نستعلیقیده
عشق ائدور خطاط لر هم داش قازان حکاک لر
..
شکّ ائدر کیم ذات حقده سویله تکلیفی ندور
یا علی سَن سَن مقصر یا که او شکاک لر
..
سّرِ بطنی گورسدور(عیّار) رنگ زرد یدن
نشئۀ عشقون اولاندان ترک ایدوب تریاک لر
..
..
..
#حیدریه #محمد_وهابزاده #حیدریه_مدح #ترکی #زبدةالاشعار