سالوب قارداش منی عشقون بلایه #اربعین_صراف_تبریزی

اربعین از زبان حضرت زینب کبرا(س)
.
.
.
#سبک_بیا_یابن_الحسن_آرام_جانم … ۳ سبک … کجائید ای شهیدان خدایی … جوشی زنجیر
مشابه
پخش‌کننده صوت

.
.
مرحوم حاج رضا صراف تبریزی
.
.
سالوب قارداش منی عشقون بلایه
گهی شامه چکر،گه کربلایه
((دیار کربلاده
یارالی بیکفن وای
دوشن میدانه باشسیز
سوسوز الده ئولن وای
حسینیم وا حسینیم وا حسینیم))
.
.
.
گؤرنده گلدی اشکیم جوشه قبرون
اولوم قربانی بر شش گوشه قبرون
چوخ ایستردیم چکم آغوشه قبرون
بحمدالله یئتیشدیم مدعایه
.
.
یانوب شام ایچره از بس شمع آهیم
آغاردی غصّه دن زلف سیاهیم
اگر سن اولماسیدون خضر راهیم
یئتیشمزدیم لب آب بقایه
.
.
اولوب از بس مؤثّر آه سردیم
دؤنوب برگ خزانه رنگ زردیم
حسین قارداش سنه واضحدی دردیم
اوزین آگاهسن هر ماجرایه
.
.
غمیم چوخدور حسین یئتمز تمامه
دئیم بیربیر، چکر آخرده شامه
باشون گؤردوم جداده بی عمامه
دالونجا باش آچوق دوشدوم چو سایه
.
.
گلوب شام ایچره چوخ محنت بروزه
ائدر تأثیر هر اهل رُموزه
دوشنده یادیمه ظلم عجوزه
دونر قانه کونول گلّم نوایه
.
.
چکوب چوخ درد و غم بو غم کشیده
سهی قدیم اولوب غمدن خمیده
چکنده عترتون بزم یزیده
تاپولموب بیر نفر یئتسون هرایه
.
.
یانوب کؤنلوم ز بس نار فراقه
دؤزوب اندوه و درد اشتیاقه
بویور دورسون علی اکبر ایاقه
نوازش ائیلسون بو مبتلایه
.
.
ائدوب عزم وطن غم کاروانی
بیزه همره قیل عباس جوانی
اولا اهل حریمون پاسبانی
اودور محرم عیال مصطفایه
.
.
گئدوب غم بوته سینده جان، گدازه
کؤنول مایلدی چوخ راز و نیازه
گندوم سنسیز نئجه ملک حجازه
سنیلن گلمیشم بو کربلایه
.
.
دوتوم قارداش، خلاص اولدوم بلادن
مگرغم ال چکر من بینوادن
منی قویما گئدم بو کربلادن
اولوم جاروب کش بو خاک پایه
.
.
اگر چه یاحسین، صراف زارم
عیار قلب تک هر گؤزده خوارم
سنه محشر گونی امیدوارم
الیمده توشه یوخ روز جزایه
.
.

#اربعین #صراف_تبریزی
#سالوب_قارداش_منی_عشقون_بلایه
#ترکی
#زبدةالاشعار