سال یاده آغلا شیعه لب عطشان اولانلاری #ورود_محرم_کاتب_اردبیلی

ورود محرم
.
#زبدةالاشعار
.
: @nohe_torki
.
مرحوم کاتب اردبیلی
.
سال یاده آغلا شیعه لب عطشان اولانلاری
دشت بلاده قانینه غلطان اولانلاری
.
هر وقتیده سرین سو ایچنده خیاله سال
سوز عطشله سینه سی سوزان اولانلاری
.
مهمان آدیلا کرب و بلایه گتوردیلر
ئولدوردیلر سوسوز ائله مهمان اولانلاری
.
ائتدی عجب معاویه اوغلی فریفته
سیم و زریله طالب دوران اولانلاری
.
کرب وبلاده ناطق قرآنون اوستونه
مأمور قیلدی منکر قرآن اولانلاری
.
بیدینلر فرات سویین ایچدی اوزلری
تشنه قویوبلا معدن ایمان اولانلاری
.
گرگان شام و کوفه دریغا هجومیله
قتله یتوردی ضیغم میدان اولانلاری
.
طوفان نوحی ائتدی فراموش جن و انس
گورجک او چولده غرقه ی طوفان اولانلاری
.
فرمان وئریلدی آت چاپوب ائتسونله پایمال
جسمی نشان نیزه و پیکان اولانلاری
.
اوچ گون تاپولمادی او بیاباندا دفن ائدن
کافوری خاک غسلی قزل قان اولانلاری
.
سعد اوغلی اوز ئولنلرینی دفن ائدوب تمام
قویدی یر اوسته پیکری عریان اولانلاری
.
یاندیردی شمر خیمه ی اولاد حیدری
چکدی طنابه خانه سی ویران اولانلاری
.
اطفال ائدردی کوفه و شام ایچره سنگسار
باشی جدا باشیندا نمایان اولانلاری
.
گه خارجی آدیلا مخاطب ائدردیلر
کل جهانه منبع احسان اولانلاری
.
قویماز حسین اخا یانا الله حشرده
کاتب کیمی جهاندا نواخوان اولانلاری
.
.
#سال_یاده_آغلا_شیعه_لب_عطشان_اولانلاری
#ترکی
.
#زبدةالاشعار
.
: @nohe_torki