زبدةالاشعار

سجده ده قانه باتوب ناطق قران بو گجه #حیدریه_عبادی_طارمی

شهادت حضرت علی (ع)
.
.
عبادی طارمی
.
.
سجده ده قانه باتوب ناطق قران بوگجه
زینبون غصه لری اولدی فراوان بوگجه
.
.
کوچکدی ظلمیه فنا دهریدن اقای زمان
ماتمی آلدی حسندن بو گجه تاب وتوان
چوخ چتیندی ائلیم غصه لی جریانی بیان
شیر یزدان اولوری دینونه قربان بو گجه
.
.
شرف و شانیده تک، اسوه ی ابرار گدور
مصطفایه مدد و مخزن الاسرار گدور
ناجی اهل یقین مشرق الانوار گدور
باغلادی خالقیلن یاره لی پیمان بوگجه
.
.
مرتضا منتظری اولمیون آخشام فقرا
کوفه نین کوچه لرینده قورون اخیام عزا
اسداللهی بویاندیردی قانا تیغ جفا
اولدی زهرایه علی شوقیله مهمان بو گجه
.
.
آغلیار زینبون احوالینه جبرییل امین
قدسیان ناله ائدر تیترییر ارکان زمین
آز قالیب جانینی جانانه وئره اهل یقین
دولانور غملی حسین حالی پریشان بوگجه
.
.
شیعه مولاسیز اولوب دشمنه فرصت تاپولوب
سوونور لشکر کین فرصت غارت تاپولوب
قلب پر کینه ده شاد اولماقا جرات تاپولوب
تپراغ آلتیندا یاتیب یاره لی سلطان بوگجه
.
.
کربلا شاهینی تسکین ایلیور ماه و ملک
حسنی درده سالور خاطره ی باغ فدک
سسلیر عباس آنا فاطمه گل ایله کمک
دوشدی مولا اوینه ناله و افغان بوگجه
.
.
باخدی بیر زینبه عباس ددی دوز بوغمه
گلجاخ بیر گونی عالم دوشه جاخ پیچ وخمه
ظلم بی حد اولاجاخ پادشه محترمه
گرچه افاقه دوشوب وحشت و طوفان بوگجه
.
.
گوز یاشون ساخلاباجی کربوبلا محنتینه
چوخ جسارت اولا جاخ آل عبا ساحتینه
جان فدا ایلیرم قارداشیمین نهضتینه
باشلانوب نهضت عظما سنه قربان بوگجه
.
.
#حیدریه #عبادی_طارمی #ترکی #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...