زبدةالاشعار

اولان ای اهل دینون عز و جاهی #مناجات_سیدبشیرحسینی

مناجات
.
.
#سبک_بیا_یابن_الحسن_آرام_جانم
مشابه
.
.
سید بشیر حسینی میانجی
.
.
اولان ای اهل دینون عزّ و جاهی!
الهی یا الهی یا الهی
پناهسیزلارین عالمده پناهی
الهی یا الهی یا الهی
.
(خطا مندن الهی
عطاسندن الهی
علاجسیز دردمندم
دواسندن الهی)
.
(غمین و دیده گریانم الهی
پشیمانم پشیمانم الهی)
.
.
الهی رحمتون دریادی دریا
مقام و عزّتون والادی والا
سنون مین بیر آدون زیبادی زیبا
تک آلله‌سان بونا وئررم گواهی
.
.
وئرن ای توبه‌کاره عزّت و جاه
گلِ «لاتَقنَطُوا مِن رَحمَةِ الله»
هامی گولدن گوزلدی گوزده والله
بو سوزده گورسدوبسن راه و چاهی
.
.
اولوب ذکر لبیم هر روز و هر شب
به حقِّ حق، به حقِّ دین و مذهب
قلم چک زشت اعمالیمه یارب
باغیشلا بو ذلیل و روسیاهی
.
.
الیم بوشدی گناهیم چوخدی یارب
گناهیمه گواهیم چوخدی یارب
اودور کی سوز و آهیم چوخدی یارب
نه نوعی چکمیوم من دیلدن آهی
.
.
الهی احمد مختاره خاطر
گرامی عترت اطهاره خاطر
بتول و حیدرِ کرّاره خاطر
«بشیر»ی عفو ائله چوخدور گناهی
.
.
#مناجات #دعای_اختتامیه #اولان_ای_اهل_دینون_عز_و_جاهی #سیدبشیرحسینی #ترکی #زبدةالاشعار

متن پیشنهادی:  ای حسین ای کربلا شاهی سلام اولسون سنه #حسینیه_نادری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی