سحر که شاهد حمل یوزوندن آتدی معجری #حیدریه_مواج

در مدح جناب امیرالمؤمنین علی (ع)
.
✍️ #زبدةالاشعار ✍️
.
🆔: @nohe_torki
.
مرحوم موّاج
.
سحر که شاهد حمل یوزوندن آتدی معجری
زمرّدین حریردن باشندا تاج اخضری
.
خزینه دار صنع حق، آچوب دریچۀ کرم
بو نیلگون خزینه دن، چخارتدی کیم بو گوهری
.
منوّر ایتدی ششدری،نه بند و روم و شوشتری
او درّه اولدی مشتری، فلکده ماه مشتری
.
چو یوسف جمالینی، چخارتدی تیره چاهدن
جهانی أنور ایلدی، او عارض منوّری
.
چومسند سپهرده، اوتوردی برقرار اولوب
آچوب زبان حمدایچون، ایدوب ثنای داوری
.
ویروب حیات جسم و جان، بمرده گان انس وجان
دم نسیم صبحدن، دم مسیح پروری
.
جهانه فیض ویرماقا، اولی گوتوردی تاجنی
دوشوب زمینه بس اؤپوب، حضور پاک حیدری
.
او حیدری که طفل ایکن، یاتوبدی گاهوارده
دراز ائدوب یداللهی، دونیم قیلدی اژدری
.
او حیدری که احمدین، یاتوبدی خوابگاهنه
گتوردی عسرش حقّده، تکلّمه پیمبری
.
أو حیدری که لنگر، زمین و آسماندور
اودور بوکل عالمون،شفیع روز محشری
.
او حیدری که پشت پا، قویوبدی کتف احمده
مطهّر ایتدی کعبه نی، توکوب زمینه بتلری
.
او حیدری دوتوب دلیل، ویروبدی درس جبرئیل
امین وحی خالقون، اولوب أمین رهبری
.
او حیدری که نه فلک، اگوبدی باش حضورینه
تواضعیله دائماً بقامت اولدی چنپری
.
او حیدری که عالمه، معلّم العلومدور
کتاب منزل السماء، أونوندی کلاً ازبری
.
او حیدری که مظهر، جلال ذوالجلالدور
بو کل کائنات اونون، جلالتینده مظهری
.
او نور لایزالی دور، مثال بی مثالدور
ولیّ باکمالدور، وجود پاک اطهری
.
اوحیدری که شأنینه،نزول اولوبدی لافتی
نه لافتی نه هل أتی،نه قل کفی نه کوثری
.
نه هر که لوحه کلّ اولور نه هرکه وحی حق اولور
علوم کان مایکون، اونون ألینده دفتری
.
ولیّ کبریادور او، وصیّ مصطفی دور او
امین مقتدادور او ،ایکی جهان سروری
.
فلک اونیله دور مدار، ملک او شاهه جان نثار
سپهر ایدر اونا نثار، جواهرات اختری
.
.
او فقری اختیار ایدن، او کفری تارمار ایدن
او شه دور آشکار ایدن، شریعت پیمبری
.
أو شه دی نور پاک حق، سبب بخلق ما خلق
حقیله او اونیله حق،وراندا حق منظری
.
او شهدی شاه مشرقین، اودور أمیر مؤمنین
کیم عیسی فلک نشین، اونون کهنه چاکری
.
او شه دی شاه لوکشف، او شهدی شخته النجف
ایکی جهاندی چون صدف، او شهدی پاک گوهری
.
تجلی ایتسه یا ظهور، جمالِ نوری مثل طور
فلکده منکسف اوتور،شعاع شمس خاوری
.
کئچر او نور اطهری، سرادقات برتری
چو بارگاه داوری، چه جلوه گاه دیگری
.
نه جلوه گه که تنگ اولا، که رنگ اسیر رنگ اولار
چه احمری چه اصفری، چه گوهری چه جوهری
.
بهشته بیر نشاندور،او بوی زلف مویدن
چه مشک یا چه نافه دن، چه عطر یا چه عنبری
.
غرض اونون وجودیدور ،که خلق اولوب ایکی جهان
چه کرسی و چه لوح ، چه قلم چه عرش اکبری
.
دلیل جبرئیلدور، منا و هم خلیلدور
بهشت و سلسبیل دور، چه زمزم و چه کوثری
.
گر انس و جن و هم ملک، دبیر اولسا مدحنه
تمام هرگز ایلمز، فضایل غضنفری
.
دی مدح شاهی دمبدم، آل أول جنابدن رقم
موّاج ایتمه هئچده غم، بساط هول محشری
.
.
#حیدریه_مواج
#حیدریه_مدح
#سحر_که_شاهد_حمل_یوزوندن_آتدی_معجری
#ترکی
.
✍️ #زبدةالاشعار ✍️
.
🆔: @nohe_torki