سربسر عالم غریق بحر رحمتدور یقین #مهدیه_هوشی_تبریزی

میلادیه حضرت امام زمان عَجّلََ اللهُ تعالی فَرَجَهُ الشَّریف
#گریز به راز و نیاز حضرت اباعبدالله الحسین (ع) در #قتلگاه
.
.
مرحوم غلامعلی باقری الهام (هوشی تبریزی)
.
.
سربسرعالم غریق بحررحمتدور یقین
صاحب العصره بوگون روز ولادتدور یقین
.
.
لطف حق جوش ایلیوبدورنیمه شعبان اولوب
روز مولود سعید صاحب دوران اولوب
بوولادتدن تمامی انس وجان خندان اولوب
شیعیانه ما یه شأن و شرافتدور یقین
.
.
تا قدم قویدی جهانه بو شه والا تبار
نور ختم الانبیا اولدی دوباره آشکار
جلوۀ نوریله ایتدی ماه ومهری شرمسار
چون اوزی بیرنیّرافلاک رفعتدور یقین
.
.
ویردی اوزدُرّون بروزه بحررحمتدن صدف
بیرصدف که نرجس خاتون اونا درج شرف
شیرۀ جان حسین و جان سلطان نجف
اسمینه ختم المآب اسمی اشارتدوریقین
.
.
شهریار با کفایت شمس اقلیم وفا
جلوه گرنورجمال پاکی چون بدرالدجی
لفظ الا اللهه معنا رهبر راه هدا
قدرت خلاق ذوالمنّانه حجّتدور یقین
.
.
برقراراولمش وجودینن بوشاهون نه قباب
آفتاب الیوبدی اوزنورین بوشهدن اکتساب
واریری عالمده شمس المشرقین اولسون خطاب
چون فدایه مطلع الانوارقدرتدور یقین
.
.
بوشهین مثلین بلی خلق ایتمیوبدورکردگار
ایلیه گلزار دینی دائما فصل بهار
حکمت حقیله لیکن غیبت کبراسی وار
حکمت یزدانه بوشه اصل حکمتدوریقین
.
.
منتظر دور پردۀ غیبتده الده ذوالفقار
قلبی اوضاع زماندان غملی چشمی اشگبار
تا یته اول شاهه امر حضرت پرورگار
ایلیه اظهار اوکه عدل و عدالتدور یقین
.
.
ای خدای ذوالنعیم صاحب لطف و کرم
اذن ویرصاحب زمان قویسون ظهوره تا قدم
دین اسلامین اولوب اشرارالینده قدی خم
جمله اسلامیان افسرده حالتدور یقین
.
.
لطف قیل اسلامیانه ای خداوندغفور
دولدوروبدورسربسردنیا یوزین فسق و فجور
امرایله صاحب زمان ایتسون بوتیزلیقدا ظهور
بوظهوره شیعه لرهرلحظه حسرتدوریقین
.
.
موج ایدوردریا کیمی هرلحظه طوفان بلا
فلک اسلامی ایدوب گرداب درده مبتلا
کشتی دین بحر ظلمتده قالوب بی نا خدا
اهل عالم غرق دریای ضلالتدور یقین
.
.
وادی حسرتده سرگردانوخ ای رب جهان
قالمشوق آواره مثل یول اتیرمش کاروان
امرقیل گلسون هدایت ایلسون صاحب زمان
چونکه اول شه هادی راه هدایتدور یقین
.
.
امرقیل آلسون اله شمشیرخون افشانینی
آتش قهریله یاندورسون عدونین جانینی
فرقۀ اشراریدن آلسون حسینین قانینی
چون حسین قانین آلان بوباجلالتدور یقین
.
.
کاش اولیدی کربلا دشتنده بوسلطان دین
جدین اول ساعتده که یالقوزلاموشدی اهل کین
ایسی قوملاراوسته دوشمشدی اوشاه مه جبین
جسمنه ورموشدولاربیحد جراحتدوریقین
.
.
#گریز #حسینیه_شهادت #قتلگاه
.
.
عرض ایدردی ای خدا ایتدم وفاپیمانیمه
یاخشی طرزیله عجب اولدوم فداجانا نیمه
باشه ویردیم عهدومیثاقی بویاندیم قانیمه
لیل فرقت یتدی باشه روز وصلتدور یقین
.
.
گرچه وارسانسیزجراحت پیکریمده خستیم
بوجراحتلرسالوب دیلدن منی جان اوستیم
لیک تار عشقیله آفاقیده پا بستیم
عاشقه هر درد و ذلّت عین عزّتدور یقین
.
.
عالمی واقعده دوتموش بانگ یارب یاربیم
شعله عشقیله روشن دورگونوزتک هرشبیم
تالی عظمدی بو عشقه منیله زینبیم
حالیمه دلدن یانان اول کان عصمتدوریقین
.
.
محضرونده عشقیمی من عالمه ویرم نشان
قویمیوب سوزعطش گرچه وجودیمه توان
ایچمرم آب فراقی ویرّم آخر تشنه ج
تشنه جان ویرماق منه عین سعادتدوریقین
.
.
شوقیله نوش ایتمشم بوچولده من جام بلا
هر طرفدن یوز قویوبدور اوستومه سیل بلا
مین بلا گلسه دایانام ایتمرم ترک وفا
هر بلایه صبر قیلام جانه منتدور یقین
.
.
جسمیمه بسکه دگوبدور زخم تیر آبدار
دوشمشم قان ایچره یا رب خسته و زار و فکار
قانیم آخدوقجا یره ایلر بودشتی لاله زار
هرباخان سوئلربو صحرا باغ جنتدوریقین
.
.
موسی عشقم اوزوم بودشت طوریمدورمنیم
بلکه مین موسی ابن عمران محو نوریمدورمنیم
عالمه شورش سالان بوباشدا شوریمدورمنیم
شوریم هر عشق اهلینه درس حقیقتدوریقین
.
.
اول خلیلم شوقیله ترک سروجان ایتمشیم
بو مناده عشقیمه عشاقی حیران ایتمشم
بیرگل اوزلی نوجوان جانانه قربان ایتمشم
عشقیمه عالم سراسر غرق حسرتدوریقین
.
.
بیرطرفده قانه مرجان تک باتوب گل پیکریم
بیرطرفده جان ویروب لب تشنه یارو یاوریم
بیرطرفده قانیله سیراب اولوبدور اصغریم
بیر طرف وردی ربابین دا مصیبتدور یقین
.
.
بیر طرفده گلشن عیشیم گل خندان اولوب
بیرطرفده قلب زینب مین ملالیله دولوب
بیرطرف نازلی رقیم عارضی گل تک سولوب
بیر طرفده عترتیم همدوش محنتدور یقین
.
.
(هوشیا)احیای دیندورعمره منظورحسین
درس دین آل شاه دیندن سال باشا شور حسین
ای خوشا عالمده دوشمش هر دله نورحسین
فخر دور دنیا ده عقباده سعادتدور یقین
.
.
.
.
#مهدیه_میلادیه
#سربسر_عالم_غریق_بحر_رحمتدور_یقین
#ترکی
#زبدةالاشعار