زبانحال حضرت زهرا (س) به حضرت زینب (س)
.
.
.
#سبک_یارالی_جان_یارالی … شهریاریمسن آقا … کربلا منتظر ماست … و …
.
.
.
علی اکبر عبهری
.
.
.
باشووی قوی سینمه عمرومه ریحانه قیزیم
آغلیوب پوزمامنی بلبل کاشانه قیزیم
.
.
سن که حسرتله باخورسان منیم آغلارگوزومه
دقتیله قولاق آس نچه دقیقه سوزومه
دردودل موقعی دورگل یوزووی قوی یوزومه
بوقراتللرووه بیرده ویریم شانه قیزیم
.
.
قنفذون صدمه سی باعثدی که رنگیم سارالوب
دال اولوب الف قدیم قدرتیمی الدن آلوب
شهرعورتلری سویلولله که زهراقوجالوب
دوندروب جوروجفاقدیمی چوگانه قیزیم
.
.
آلورام من الیمه خورداجابواللرووی
تانفس واردارییم من بوقراتللرووی
ذکرائدوم یوم بلاده اوبلاگونلرووی
تاوئروم عمرپریشانیمی پایانه قیزیم
.
.
آنام اولمادی منیم دردیمه هم ناله اولا
یارامی خشک ایلیه بیرمنی آغوشه آلا
سن منه هم آنااول هم قیزیم اول نازلی بالا
آناسیزهربالانون قلبی دونرقانه قیزیم
.
.
علتی واردی که دائم من ئولومدن دیورم
گاهی زینبدن حسیندن گه حسندن دیورم
ناگرانم اودی هی غصه وغمدن دیورم
چون گرگ صبرائده سن موسم هجرانه قیزیم
.
.
آناوام سوزلریمی من دیورم اوزبالاما
ساتاشوبدورگوزون هرچندبوگیزلین یاراما
دئمه بیرسوزآتاواقلبینی غمنن قالاما
آتاوی سالماداخی آتش سوزانه قیزیم
.
.
.
باغبان اول بوگلستان وبوپوزقون چمنه
آنالیق ایله حسینیله بومظلوم حسنه
واردی بیرکلمه سوزوم الده اولان پیرهنه
قولاق آسسان یته سن عزت شایانه قیزیم
.
.
بیرگونی قارداشووون جاه وجلالی پوزولار
یارواعوانی ئولرواحدوبی یارقالار
آیریلان وقتیده بوپیرهنی سندن آلار
عزم ائدرتاکه گئده محضرجانانه قیزیم
.
.
.
سن علینون قیزی سان فاطمه نون دلبری سن
عمرومون مایه سی سن حجب وحیاگوهری سن
هیچ ایتورمه اوزووی دشت بلاحیدری سن
ویرمه فرصت ابدالشکرعدوانه قیزیم
.
.
.
ئوپ بوغازین یولاسال قارداشووی میدانه
کفنی بوینوناسال تاکه گئده جولانه
هامی حیرتده قالاسنده اولان ایمانه
آناوون جانی فدابیربیله قربانه قیزیم
.
.
.
#عبهری بو سوزی یازدی بولورم نیتی وار
گجه بیدارقالوب هرنه یازاهمتی وار
اورگینده بولوسن دردوغمین شدتی وار
سال اونون ایشلرینی تئز سر و سامانه قیزیم
.
.
.
.
نظر دهید